Asociacion de Gaiteiros Galegos

Gaiteiros galegos
Inicio / Novas

Novas

Obradoiro sobre programas informáticos aplicados á música tradicional na Tradescola

Varios / 31.05.19

 

cartaz oproginformaticosO vindeiro venres 7 de xuño en horario de 16 a 19 horas faremos un obradoiro de programas informáticos aplicados á música tradicional na Tradescola. 

Este obradoiro está dirixido a todas as persoas que desexen iniciarse na edición de partituras mediante o uso dun programa de software libre como é o Musescore.

Tratarase:
Descarga e instalación do programa Musescore.
Coñecemento xeral do programa.
Creación de partituras.
Modificación de partituras.
O midi e o pdf.

¡Aberto prazo de inscrición!

A inscripción é gratuíta e as prazas son limitadas (asignaránse por rigurosa orde de matrícula). Podes anotarte chamando ao teléfono 982 229 966, enviando un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou na Tradescola. Animadevos a aproveitar este interesante curso!!!!

Este domingo no Recuncho presentamos o proxecto "Un punto cada día"

Varios / 31.05.19

Lume na palleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto e a visita de Luís Prego para presentarnos o seu proxecto "Un Punto Ao Día".

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Finalistas do VII Certame de Debuxo para escolares organizado pola Tradescola coa colaboración da Deputación de Lugo

Varios / 30.05.19

tradescolaXa temos @s finalistas do VII Certame de Debuxo para escolares organizado pola Tradescola!! Participaron  preto de 1000 debuxos realizados polas nenas e nenos de primeiro, segundo e terceiro curso de primaria dos centros de ensino da Provincia de Lugo que ademais dunhas grandes dotes artísticas tamén nos amosan os seus amplos coñecementos sobre a nosa música.

Esta iniciativa organizada pola Tradescola en colaboración coa Área de Cultura da Deputación e que acadou este ano a súa septima edición, ten a finalidade de potenciar e difundir entre os máis pequenos a música tradicional galega, axudar a que coñezan os nosos instrumentos, a nosa historia e costumes dun xeito natural, algo que constitúe unha garantía da conservación das nosas tradicións e, en definitiva, do noso patrimonio cultural.

A todos @s participantes queremos darlles os parabéns polos fantásticos debuxos que nos achegaron, e en especial aos 25 finalistas que recibirán como agasallo un lote de material didáctico de música tradicional!!!!!!

 

Nesta edición tamén queremos que todos os centros escolares participantes no certame reciban un lote de agasallo (Área de cultura da Deputación de Lugo).

A entrega de agasallos terá lugar o vindeiro martes 4 de xuño a partir das 17.30 horas no Centro Cultural o Vello Cárcere de Lugo onde poderemos disfrutar tamén das actuacións d@s nen@s e rapaz@s da Tradescola!!

- Aldara García González – CEIP Muimenta -

- Alejandro Ferro Martínez – CEIP Albeiros - Lugo

- Alonso Calaza Neira – CEIP Rosalía de Castro – Pol

- Andrea Piélago González- CEIP Becerreá

- Andrea Pinilla García – Ceip San Xoan – Becerreá

- Aroa Illán Lamas- Ceip Luis Pimentel - Lugo

- Carla Alonso Varela – Ceip A Ponte – Lugo

- Carla Rodríguez García – Ceip Illa Verde - Lugo

- Carolina Otero Carballo – Ceip Eloisa Ribadulla – Chantada

- Cesar Linares López – CEIP Manuel Mallo Mallo – Nadela - Lugo

- Daniel Vázquez Arrojo- Ceip Illa Verde - Lugo

- David López Bello – CEIP Antonio Insua Bermúdez – Vilalba

- Gabriel Castedo Nogueira – CEIP As Mercedes - Lugo

- Hiba Boumazlag Mamat – Ceip Quiroga Ballesteros - Lugo

- Irene López Lago – CPI Uxío Novoneira – O Caurel

- Iván Díaz González – CEIP San Xoan – Becerreá

- Lara Alarcón García – CEIP Anexa - Lugo

- Lois Guerreiro Cruzado – CEIP Anexa - Lugo

- Mateu López –Valeiras Seoane –Escola Waldorf Meniñeiros - Lugo

- Matilda Pérez Abelleira – CEIP Menendez Pelayo - Lugo

- Nicolás Polo Eiroa – CEIP O Vicedo

- Noa Veiga Núñez – CEIP Sagrado Corazón - Lugo

- Xiana Polín Castro – CEIP Sagrado Corazón - Lugo

- Xoel Martínez Prado – CEIP A Ponte - Lugo

- Zayoha Campo Correa – CEIP Rosalía de Castro- Pol

Parabéns a tod@s!!!!!

 

 

 

 

30 aniversario da AGG

Varios / 28.05.19

30 anosHoxe estamos de celebración e queremos felicitar a tod@s @s nos@s soci@s por formar parte da AGG, grazas ao esforzo de tod@s conseguimos levar 3 decadas traballando a prol da nosa cultura tradicional e esperamos poder continuar facendoo durante moitos anos mais. Son 30 anos de historia que queremos celebrar con todos vos, agradecéndovos o apoio constante á AGG e o voso traballo pola nosa música e baile tradicionais.

Queremos felicitarvos especialmente neste momento, xa que tal día como hoxe cúmprense 31 anos da reunión da Comisión Xestora da AGG, unha reunión celebrada no Museo da Terra de Melide, que deu lugar á posterior constitución legal desta asociación en 1989.Nesta xuntanza fora elexido por unanimidade D. Ricardo Portela como Presidente Provisional e D. Xosé Domingos Fuciños como Secretario, e nela levantouse a Acta Fundacional e establecéronse os estatutos.
Por outros trinta anos !!!
Parabéns a tod@s !!!

Festival XII Folk In río de Touro

Varios / 24.05.19

folk in rioO vindeiro 16 de Xuño en Touro terá lugar o Festival XII Folk In río organizado pola Asociación Cultural As Sobreiras do Ulla. Na sesión vermut estarán As Nenas do Sapo Dourado, e despois actuarán o mago Dani García, Uxía Lambona e a Banda Molona, Malvela e a Banda da Balbina.

Contarán tamén con cantos de taberna, feira de artesanía, xantar campestre e animación infantil !!! Non faltedes!!!

Festival infantil e xuvenil fin de curso da Tradescola

Varios / 24.05.19

 

cartaz trad_festivalfincursopeques - pqO vindeiro martes 4 de Xuño a partir das 17.30 h, celebraremos o  I final de curso da Tradescola cun concerto de música e baile tradicional que terá lugar no Centro Cultural do Vello Cárcere de Lugo. Nesta actividade actuarán alumn@s dos grupos infantiles e xuveniles da Tradescola acompañados polos seus mestres.

Esperámosvos a tod@s  para disfrutar da nosa cultura tradicional!!! Non faltedes!!!

A Tradescola, que contou neste curso con preto de 300 alumnos matriculados, conta no seu equipo docente con 10 recoñecidos mestres do eido da música tradicional que son os encargados de impartir as aulas de: gaita, zanfona, acordeón, baile tradicional, canto tradicional, percusión, requinta, pandeiro e linguaxe musical , ademais de aulas específicas para os máis pequenos.

Obradoiros de verán para nen@s na Tradescola

Varios / 22.05.19

 

cartaz campamento2019_web - pqA TRADESCOLA organiza para os vindeiros meses de verán OBRADOIROS DE MÚSICA, BAILE E XOGOS TRADICIONAIS PARA NEN@S.

Se tes entre 4 e 12 anos e queres pasalo ben este verán, non te perdas os talleres que se impartirán dende o día 24 DE XUÑO na Tradescola!!!

Duración dos talleres: do 24 de xuño ao 6 de setembro. (Posibilidades de matrícula por semana)

Horario de 9.00 a 14.00 horas

Lugar:Tradescola (Rúa Pintor Corredoira Nº4 - Lugo)

Grupos:

De 4 a 7 anos (máximo 10 prazas)

De 8 a 12 anos (máximo 10 prazas)

(mínimo 5 prazas/grupo)

Prezo por semana 45€!!!!!

Podes solicitar máis información e facer a túa matrícula durante o mes de xuño nos locais da Tradescola (Centro Lug 2 - Rúa Pintor Corredoira Nº4 - Lugo ) en horario de 9.00 a 14.00 horas, chamando ó teléfono 982229966 ou a través do correo electrónico  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Prazas limitadas por orde de matrícula ¡!

Esperámoste!!!!!!!!

Presentación do traballo de Oradaladou no Recuncho deste domingo

Varios / 16.05.19

 lume na palleira Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Guillerme Ignacio que terá de convidados ao dúo Oradaladou, presentando o Cd que fixeron para acompañar a reedición do Cantigueiro de Cotobade de Antonio Fraguas, do que se sortearán 3 exemplares.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

O Mestre Gaiteiro José Martínez, primeiro homenaxeado do ABRENTE FOLK

Varios / 10.05.19

jos martnez primeiro homenaxeado do abrente folkO Mestre Gaiteiro José Martínez, primeiro homenaxeado do ABRENTE FOLK.
Esta homenaxe pretende conmemorar a traxectoria de Martínez, de 83 anos de idade, que foi un dos pioneiros Mestres Gaiteiros do municipio e o primeiro profesor de gaita de varias agrupacións culturais mosenses, tales coma Anduriñas de Dornelas, A Cividade de Louredo, C.R.C de Torroso, Santa Eulalia de Mos, C.C. Herville, As Pedriñas (no Campo da Feira) e C.C. Abrente, entre outras. Ademais dalgunhas tamén fóra de Mos.
José Martínez exerceu durante un total de 35 anos de mestre de gaita, dende os 35 ata os 70 anos.

A rexedora local e a presidenta do Abrente destacaron sobre José que “é para nós un gran orgullo contar en Mos cun veciño coa súa vagaxe musical, a pesares de ser autodidacta, e co seu bo facer tanto como gaiteiro como docente de nenos e adultos, que o lembran con grandes afecto e admiración. Mostra da súa valía é o cariño incondicional que lle profesan referíndose sempre a el como o señor José, o gaiteiro”.
Nacido na parroquia de Mos, pasou a maior parte da súa vida en Dornelas, onde segue a vivir na actualidade. Alí é un vecño querido e admirado pola súa calidade humana, cercanía e humildade.
Por todos estes motivos será o primeiro homenaxeado dentro do Festival “ABRENTE FOLK” que terá lugar o vindeiro 2 de xuño ás 18.30 horas no auditorio do Centro Dotacional de Torroso, coa colaboración do Concello de Mos.
Arévalo e Romero concluíron “esperando que a José lle faga tanta ilusión este acto homenaxe como aos membros do Abrente e desta Corporación Municipal”.

Prema no título para mais información

Os xogos bailados no Recuncho da Palleta

Varios / 10.05.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto que nos falará sobre os xogos bailados.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Páxina 4 de 410