Asociacion de Gaiteiros Galegos

Gaiteiros galegos
Inicio

Comunicado da AGG coas medidas adoptadas por mor do Coronavirus

logo-agg web_covidSeguindo as indicacións e como medida de precaución no avance da expansión do Coronavirus, a AGG suspende, ata novo aviso, as actividades previstas para as vindeiras semanas:

- Asemblea Xeral Ordinaria, que estaba prevista para o vindeiro 22 de marzo.

- O 25 Xantar Gaiteiro: Homenaxe a Erminda Miramontes, que estaba previsto para o día 29 de marzo.

- O VII Memorial Henrique Otero, con data prevista para o 18 de abril

Malia esta situación a illamento por mor do virus, animámoste a que a música e o baile siga presente nestes días para o que che propoñemos que formes parte da iniciativa #tradicióncontraovirus que quere chamar á seguir desfrutando da nosa cultura tamén dende a casa, tocando, bailando, cantando e compartíndoo na rede para facer visible a nosa maior obra colectiva (despois do idioma) e para tornar ao Coronavirus e volver axiña á normalidade das nosas vidas.

Aínda que as nosas sedes permanecerán pechadas mentres a situación o requira, seguimos traballando telematicamente.
Moito ánimo e #quedanacasa

 

Cancelada a Asamblea Xeral Ordinaria da AGG e o 25 Xantar Gaiteiro

89552465 2805135259574586_688625021534339072_oSeguindo as recomendacións sanitarias, a AGG adía a Asamblea Xeral Ordinaria prevista para o día 22 de marzo e o acto de homenaxe a Erminda Miramontes e o 25 Xantar Gaiteiro do vindeiro 29 de marzo.
 
 
 
 

O proxecto Mulleres Galegas Ilustradas e o libro Ferreñas e Rock and Roll no vindeiro Recuncho da Palleta

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Carme López que nos falará do proxecto Mulleres Galegas Ilustradas e do libro Ferreñas e Rock and Roll, coas súas creadoras Laura Romero e Iria Pedreira.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

 

 

 

ALUMNAS DA TRADESCOLA PARTICIPARÁN NUNHA MONTAXE MUSICAL PARA CONMEMORAR O DÍA DA MULLER

89061539 613748329182588_2710765022572707840_oAlumnas da Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, participarán con Proxecto Consoante (unha colaboración artística entre o alumnado de canto tradicional da Tradescola de Lugo, O Xeito de Lugo, Escolas municipais de RábadeBegonteOuteiro de Rei, A.C. Son de Cores de Becerreá e A.C. Xardois (Cervantes)) nunha montaxe musical por encargo da Plataforma Galegas 8M para conmemorar o Día da Muller.

Esta performance musical entorno á violencia contra as mulleres, e o empoderamento feminino participada por voces e percusións de arredor de 35 mulleres terá lugar na Praza da Horta do Seminario, o 8 de Marzo, ás 13:00 h. e terá unha duración duns 20 minutos. 

Nova ao completo premendo no título.

Ler mais. ALUMNAS DA TRADESCOLA PARTICIPARÁN NUNHA MONTAXE MUSICAL PARA CONMEMORAR O DÍA DA MULLER

A TRADESCOLA ACHEGARÁ A MÚSICA TRADICIONAL ÁS NENAS E NENOS DE COSPEITO E MUIMENTA

cartaz cdtrad_cospeitomuimenta_web - copiaA Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, achegarase ata o concello de Cospeito, concretamente aos CIP Virxe do Monte (Cospeito) e do CEIP Muimenta para impartir unha nova xornada de música tradicional que terá lugar o vindeiro mércores 11 de marzo ás 10.00 horas (Casa da Cultura de Cospeito) e as 11.45 horas (CEIP Muimenta). Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos impartidos nos distintos centros.

Nestos dous concertos, que estarán impartidos polos mestres da Tradescola, Xabier Iglesias, Paula Fernández, Carme López e Germán Díaz amosaránselles aos alumn@s distintos instrumentos, ritmos, e melodías protagonistas da música tradicional e popular galega.

Dende a Tradescola trabállase a reo para poder transmitir os coñecementos das nosas tradicións da mellor maneira posible ás novas xeracións, para que saiban conservalos, respectalos e poñelos en valor.

Estos concertos son moi importantes para a Tradescola, xa que estes posibles novos músicos e bailadores serán os que xoguen un papel básico no futuro das nosas tradicións, da nosa música, canto e baile e como non, tamén da nosa lingua.

Páxina 3 de 462