A AGG estará esta fin de semana no 18 Oenach Atlántico
Mércores, 27 Xullo 2016 11:35
A parroquia de Sedes, en Narón, acolle esta fin de semana o Oenach Atlántico 2016, que centrará a súa programación arredor do teatro, a música tradicional galega e varios obradoiros. Ademais, a Asociación de Gaiteiros Galegos estará presente cun posto informativo e de venda de publicacións, onde tamén poderedes mercar as rifas da gaita que se sorteará no Festival de Pardiñas. Tamén, organizada pola comisión de artesáns da AGG, poderedes desfrutar dunha mostra de instrumentos tradicionais galegos, na que 10 artesáns nos amosarán o seu bo facer.
