Descrición

Meniños Cantores é un traballo pioneiro realizado con colexios de Galicia e do Norte de Portugal. A iniciativa xurdiu da colaboración entre a organización educativa Ponte...nas ondas! e Casa de Tolos. A presentación por parte das escolas integrantes do colectivo Ponte...nas ondas! da canditatura ó Patrimonio Oral e inmaterial Galego-Portugués ante a UNESCO, foi a chispa que prendeu esta iniciativa. O traballo consiste nunha exploración do patrimonio musical común a Galicia e Portugal, así como unha pequena ollada a un futuro posible.
Para poder realizalo contou coa colaboración de profesores de música e alumnos de dezasete centros.
O traballo está formado por:
Un CD que inclúe:
-28 cancións.
-Pista interactiva con letras e partituras.
Un DVD que inclúe:
-Un documental sobre o proceso de realización do proxecto narrado en catro idiomas (galego, portugués, castelán e inglés).
-Un documental sobre os costumes e a tradición oral comúns a ambos lados da fronteira, narrado en catro idiomas como o anterior.
-Un videoclip por cada centro.
-Trinta e dous karaokes.
Un libro que inclúe:
-Letras das cancións.
-Lista dos participantes.
-Textos informativos sobre cada centro e o seu concello en catro idiomas (galego, portugués, castelán e inglés).

Todo isto é o resultado do traballo realizado por PAI-Música, Casa de Tolos e Ponte...nas ondas! dende principios do ano 2005.

Este proxecto constituirá un referente mundial do traballo con nenos e sobre o patrimonio oral e inmaterial. Son os nenos os que; mediante a súa interpretación da tradición, crean un patrimonio para o futuro.

Produción: PAI música.
Realización: Estudio Casa de Tolos.
Idea orixinal: Ponte... nas ondas!