Asociacion de Gaiteiros Galegos

Gaiteiros galegos
Inicio / Novas / Varios

Varios

Xa están a venda as rifas para o sorteo de instrumentos da mostra de Pardiñas 2019

17.06.19

imaxe rifas pardiasXa están a venda as rifas para o sorteo de instrumentos de música tradicional AGG - XXVI Mostra de intrumentos de música tradicional Pardiñas 2019 que se celebrará os días 3 e 4 de agosto en Pardiñas, Guitiriz , Lugo.

Os instrumentos que se sortean este ano son: 

Unha gaita, un tambor, un pandeiro e unha pandeireta!!

Serán froito, a gaita: do traballo colaborativo de "Os canallas", (Alberto Pires, Oli Xiráldez, Benito Queimaliños, Afonso Castro, Patricia González e Pablo Martínez) que de novo se volven a poñer mans a obra para crear este instrumento único para a ocasión, o tambor é unha doazón do obradoiro "Manels Percusión", o pandeiro é unha doazón de "Xosé Tunhas Percusión"e a pandeireta e as baquetas son doazóns de "Foliqueiras".

Premiazos!!! Non pérdala túa oportunidade de conseguir un destes instrumentos!!!

Para adquirir a túa rifa podes poñerte en contacto con nós nos teléfonos 986.847.074 / 982.229.966 ou a través do mail Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .

Bases do Sorteo premendo no título da nova

   

V xuntanza folk "Follas de Olivar"

17.06.19

follas olivarO vindeiro domingo 23 de xuño a partir das 12.00 horas, terá lugar a V Xuntanza Folk "Follas de Olivar" en A Ínsua (Carreira Ancha) Pontecaldelas,  organizada polos Xeitosos da Ínsua.

Actuacións antes do xantar con Nós tamén imos e os Fervellos do Pío, logo xantar campestre e seguidamente obradoiro de baile tradicional con Damián Cordo e xa pola tardiña actuacións de Paiaso Peter Punk, A. C. Veira do Río, Os Xeitosos da Ínsua, Tradisón, Carapaus e Habelas Hainas!!!

Haberá tamén diversos postos de artesanía que estarán polo recinto.... E logo, festa, moita festa... na foliada!! E ás 12 da noite fogueira de San Xoan. Non faltedes!!

   

CELEBRACIÓN DOS 10 ANOS DA TRADESCOLA!!!!

14.06.19

10 anos tradeEstamos chegando ó remate do 10º curso da Tradescola e queremos celebralo ao grande!!

O xoves día 20 de xuño ás 19:30 horas teremos o concerto de fin de curso na Praza de Anxo Fernández Gómez (Lugo)!!!

E o sábado 22 de xuño nos xardíns da Tradescola estades tod@s convidad@s a celebrar os 10 anos da Tradescola a partir das 19:00 horas!! 

Pasiño a pasiño chegamos aos 10 anos da Tradescola convertidos nunha familia con grande paixón pola nosa música e o noso baile, e queremos contar con tod@s vós para celebralo por todo o alto. Contaremos coa actuación de Os Carunchos e despois foliada libre!!!

Esperámoste para cantar, tocar, bailar, soprar as velas e comer a tarta entre tod@s!!!

 

 

 

   

O grupo Charamuscas no vindeiro Recuncho da Palleta

14.06.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Vítor Otero e a visita do grupo Charamuscas.

 

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.


   

Concerto de fin de curso da TRADESCOLA

13.06.19

concerto festivalfincurso_web - pqO vindeiro xoves 20 de Xuño a partir das 19.30 h, celebraremos o final de curso da Tradescola cun concerto que terá lugar na Praza de Anxo Fdez. Gómez (Lugo). Esta actividade na que actuarán alumnos e profesores da Tradescola porá peche ao curso 18/19. (en caso de choiva será no Centro Cultural do Vello Cárcere)

E xa pensando no vindeiro curso, temos a matrícula aberta ata finais do mes de xuño para tod@s @s alumn@s da Tradescola que queirades continuar asistindo a clase no curso 2019/2020. As matrículas para novo alumnado realizaranse no mes de setembro.

A Tradescola, que contou neste curso con preto de 300 alumnos matriculados, conta no seu equipo docente con 10 recoñecidos mestres do eido da música tradicional que son os encargados de impartir as aulas de: gaita, zanfona, acordeón, baile tradicional, canto tradicional, percusión, requinta e linguaxe musical , ademais de aulas específicas para os máis pequenos.

 

   

A TRADESCOLA ORGANIZA UN NOVO CONCERTO DIDÁCTICO DE MÚSICA TRADICIONAL PARA ESCOLARES NO CEE SANTA MARIA DE LUGO

11.06.19

cartaz cdtrad_stamariaA Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, achegarase ata o CEE Santa María de Lugo, para impartir unha nova xornada de música tradicional que terá lugar mañá mércores a partir das 11.00 horas. Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos impartidos nos distintos centros.

Neste concerto, que estará impartido polos mestres da Tradescola Xabier Iglesias, Jose Manuel López, e Paula Fdez. amosaráselles aos alumn@s distintos instrumentos, ritmos, e melodías protagonistas da música tradicional e popular galega.

   

Noemí Vazquez da "Arca da Noe" no Recuncho da Palleta

07.06.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Vítor Otero e a visita de Noemí Vázquez, responsable da "Arca Da Noe" de Vilar de Santos.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Xornada de portas abertas na Tradescola

05.06.19

cartaz tradescola_portasabertas_2019_web - pqA Tradescola abrirá as súas portas a vindeira semana para que todas as persoas interesadas en achegarse á música e o baile tradicional podan coñecer o centro, ver como se imparten as distintas aulas e falar co profesorado encargado das mesmas.

 

Do 10 xuño  ao 13 de Xuño ( de 17.00 a 19.00 horas)

Día 10, clases de gaita, canto e pandeireta, zanfona e linguaxe musical

Día 11, clases de gaita, pandeiro, canto e pandeireta, linguaxe musical, acordeón, baile tradicional e aulas específicas para os mais pequenos

Día 12, clases de acordeón, gaita, percusión

Día 13, clases de gaita e requinta

 

A Tradescola está no Centro Lug 2, na rúa Pintor Corredoira nº 4 – Lugo. Achégate a coñecernos!!!!

 

 

 

   

Obradoiro sobre programas informáticos aplicados á música tradicional na Tradescola

31.05.19

 

cartaz oproginformaticosO vindeiro venres 7 de xuño en horario de 16 a 19 horas faremos un obradoiro de programas informáticos aplicados á música tradicional na Tradescola. 

Este obradoiro está dirixido a todas as persoas que desexen iniciarse na edición de partituras mediante o uso dun programa de software libre como é o Musescore.

Tratarase:
Descarga e instalación do programa Musescore.
Coñecemento xeral do programa.
Creación de partituras.
Modificación de partituras.
O midi e o pdf.

¡Aberto prazo de inscrición!

A inscripción é gratuíta e as prazas son limitadas (asignaránse por rigurosa orde de matrícula). Podes anotarte chamando ao teléfono 982 229 966, enviando un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou na Tradescola. Animadevos a aproveitar este interesante curso!!!!

   

Este domingo no Recuncho presentamos o proxecto "Un punto cada día"

31.05.19

Lume na palleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto e a visita de Luís Prego para presentarnos o seu proxecto "Un Punto Ao Día".

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Páxina 1 de 236