Festival folclórico de Cantodorxo
Xoves, 25 Agosto 2011 09:31
A Asociación Cultural Cantodorxo celebrará o próximo sábado, a partir das nove da noite, a edición número quince do seu festival folclórico. A cita será na praza do Corgo, fronte á casa consistorial meca.
Nesta ocasión, ademais da actuación da Escola de Baile Tradicional Cantodorxo, os asistentes a esta cita poderán gozar coas pezas interpretadas pola Escola de Baile Tradicional Meiramar-Axouxeres, procedente de Moaña.
