A Asociación Cultural Queiroa organiza e convida a todas as persoas interesadas a que acudan á celebración do vixésimo primeiro aniversario do Encontro Folclórico de Uxes que terá lugar o vindeiro sábado día 3 de setembro, ás 18.00 horas no Anfiteatro de Arteixo situado na zona do Paseo Fluvial do Río Bolaños.

Neste Encontro intervirá a Escola de Baile Tradicional "Vai de Roda" (Rianxo), "Axeitadiñas", pandereteiras da Asocaición Cultural "Donaire" da Coruña e, por suposto, a Asociación Cultural "Queiroa" de Uxes (Arteixo).