Descrición

O gaiteiro Pepe Vaamonde interpreta co seu grupo temas tradicionais e compostos por el mesmo. Primeiro traballo como grupo folc, aínda que el xa publicara outro cd como gaiteiro solista. Unha aposta moi creativa e orixinal impecablemente interpretada.

Intérpretes:
Xesús Vidal: baixos.
Pepe Vaamonde: gaitas galegas, frautas de pico, low whistle.
Nacho Tobío: acordeón.
Pipo Alvariño: guitarra acústica, guitarra española, piano.
Andrés Vilán: percusións.

Produción: Pepe Vaamonde Grupo.
Edición: DiscMedi.

Descrición

No 2005 edítase o segundo traballo discográfico de Pepe Vaamonde Grupo (PVG) “Onde nace o vento” baseado no seguinte elemento da natureza, o vento. Cunha producción máis elaborada presenta unha novidade con respecto ao disco anterior, a inclusión de pezas cantadas. Isto abre unha nova vía que realmente dá maior prexección ao grupo.

Neste disco colaboran Xurxo Fernández e María Vidal coa voz en “Ares de Montillón” e “Alalá de Toutón”, John Joe Kelly (Flook), John McSherry, Xavier Cedrón e Roberto Somoza.

Descrición

No ano 2009 edítase o terceiro traballo discográfico do Pepe Vaamonde Grupo (PVG) “Introterra”, o máis completo en canto a producción e son. Este disco, adicado á terra e á música de raíz galega, presenta unhas pezas moi elaboradas afondando nas cancións cantadas en estilos moi propios da tradición galega (muiñeiras vellas, xotas, …) e novos camiños que están por explorar, como podemos comprobar na última pista do disco, “Dúas olladas” –música de cámara de corte clásico composta para piano e gaita, interpretada e gravada en directo.

Este é sen dúbida o traballo máis maduro e ambicioso, por isto, decidiron gravalo en PKO STUDIO (Boadilla del Monte - Madrid) e así amosar as posibilidades e o son dos instrumentos acústicos, xunto con unha exemplar execución instrumental.

Colaboran neste disco Francisco Javier Feijoo CHISCO nas voces, María Vidal e as Pandereteiras dos Vilarachos, Abraham Cupeiro, Carlos Bastón e Brais Monxardín.