Descrición

Como sabedes, Daniel Bellón & Diego Maceiras gañaron a séptima edición do concurso folk de Radio Obradoiro que se celebrou no Teatro Principal de Santiago de Compostela o pasado 17 de marzo de 2006. Gracias a esto, gañaron o dereito de gravar un disco cos gastos de gravación incluídos. Despois de gravar nos meses de xullo e setembro no estudio Phonos da Estrada, este dúo preséntanos un traballo discográfico: “Unión das Terras”. Este traballo é unha mostra de composicións propias e temas de diversas culturas e zonas xeográficas (Arxentina, Rusia, Francia, Oriente Medio ou Portugal), que foron adaptadas para gaita e acordeón aproveitando a gran diversidade de rexistros que posúen estes instrumentos. Neste proxecto participaron algúns músicos de renome como Xosé Lois Romero tocando a pandeira, Álex Blanco coa guitarra acústica e Xabier Díaz aportando a voz. Daniel Bellón & Diego Maceiras nos propoñen unha viaxe de case sesenta minutos a través do mundo traspasando fronteiras de todo tipo, mostrándonos o mellor de cada lugar e cultura, pero co carácter e o sabor galego que sempre caracterizan ás súas melodías. Intérpretes: Daniel Bellón: gaitas en do, do#, sol, re grave, re agudo, la e si b. Diego Maceiras: acordeóns cromáticos. Colaboracións: Álex Blanco - Guitarra acústica Xosé Lois Romero - Pandeira Xabier Díaz - Voces Produción: Phonos, Daniel Bellón e Diego Maceiras Gravado no Estudio Phonos, A Estrada (Pontevedra), nos meses de xullo e setembro de 2006.