Asociacion de Gaiteiros Galegos

Gaiteiros galegos
Inicio / Novas

Novas

A Alborada para Rosalía no vindeiro Recucho de Palleta

Lume na Palleira / 15.02.19

lumepalleiraEste domingo, no "Recuncho da palleta" do programa "Lume na Palleira" conducido por Emilio Españadero, contaremos con Vitor Otero que nos vai a falar da Alborada para Rosalía do vindeiro 24 de febreiro (Día de Rosalía e aniversario do seu nacemento).

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Pesar polo pasamento de Antonio Pèrez Mosquera

Varios / 13.02.19

antonio depHoxe temos que lamentar o falecemento de Antonio Pérez Mosquera, pandeireteiro de Durindaina e Os Estalotes. Unha persoa moi querida no mundo da música tradicional e un gran pandeireteiro. Sempre lembraremos con moito cariño as participacións cos seus grupos na Mostra de música tradicional que a AGG organiza no San Froilán.

O funeral de enterro será mañá xoves ás 15.00 horas na Capilla do Tanatorio Municipal de Boisaca.

Que a terra che sexa leve. D.E.P.

A Asociación do Traxe Galego no vindeiro "Recuncho da Palleta"

Varios / 08.02.19

lumepalleiraO vindeiro domingo, no "Recuncho da palleta" do programa "Lume na Palleira" conducido por Emilio Españadero, Gustavo Couto contará coa visita da Asociación do Traxe Galego para presentarnos o espectáculo "Debullando O Tempo"

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Alborada para Rosalía - 24 de febreiro 2019

Varios / 01.02.19

 

cartelalboradaDende a  Asociación de Gaiteir@s Galeg@s e a Fundación Rosalía volvemos a organizar para o 24 de febreiro (Día de Rosalía e aniversario do seu nacemento) a Alborada para Rosalía de Castro, para o que facemos un chamamento a todas as gaiteiras e gaiteiros de Galicia para dar unha alborada de gloria na súa honra, ao igual que se fixo en 2013.

Dende a AGG gustaríanos contar coa túa colaboración: Se es un gaiteiro ou gaiteira, ou tes un grupo de música tradicional, na mañá do 24 de febreiro sae ás rúas, camiños, prazas ou lugares simbólicos relacionados con Rosalía para botar unha peza na súa honra (pode ser a Alborada ou outra peza que elixas) e lee e comparte o manifesto, que explica o motivo e razón da iniciativa. Descarga o manifesto no seguinte enlace http://rosalia.gal/wp-content/uploads/2019/01/manifesto-alborada2018.pdf

Se non tocas a gaita, en primeiro lugar disfruta da Alborada e logo difunde: faille fotos ou grava vídeos (vale co móbil, claro). Logo compárteo nas redes sociais co cancelo (hashtag) #AlboradadeRosalía

Velaquí toda a información e instruccións para facelo: http://rosalia.gal/chamamento-gaiteiros/

Animámosvos a participar e a difundir esta actividade para conseguir que non quede ningún recuncho de terra sen o son das nosas gaitas na honra de Rosalía.

Que todos saiban que hoxe a gaita galega non chora, que canta...

Lembranza a Lito de Pinténs, o Gaiteiro do Mar, no Recuncho da Palleta

Varios / 01.02.19

lumepalleiraO vindeiro domingo, no "Recuncho da palleta" do programa "Lume na Palleira" conducido por Emilio Españadero, continuaremos co ciclo compositores de Gaita e aproveitando o cabodano do seu pasamento, lembraremos a Lito de Pinténs, o Gaiteiro do Mar, e falaremos co seu fillo José Ángel Gago, amigos gaiteiros como Severino e membros da banda de gaitas Manxadoira, e haberá unha sorpresa moi especial!!

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

DA PROSODIA Á MELODÍA Curso de análise da música tradicional e os seus arranxos

Varios / 29.01.19

curso xeitoDA PROSODIA Á MELODÍA
Curso de análise da música tradicional e os seus arranxos
Destinatari@s: Músic@s e alumn@s de música tradicional en xeral, que queiran profundizar un pouco na análise dos nosos modos de cantar e tocar, e o xeito de arranxar pezas, sen deturpar o feito diferencial das nosas melodías.
Descripción:
Neste curso teórico e práctico (tod@s cantaremos e falaremos seguido) abordaremos o eido da afinación noutros folclores, para mergulhar despois no xeito de cantar existente en Galiza. Aprenderemos a distinguir entre as principais escalas (ou modos) do noso folclore, e prestaremos especial atención ao modo predominante no país: o modo “frixio” , e en concreto, à sua afinación, que se está a perder pola convivencia co "temperamento igual" Usaremos arquivos fonográficos ( sobre todo Alan Lomax e Dorothé Schubarth), gravacións de músicas de outras tradicións, así como gravacións actuais de grupos de música “tradi” e folk para ver como ocorreu ese proceso, e como está a ocorrer hoxe.
Datas de realización: Domingos de Febreiro: 3,10,17 e 24 de Febreiro. Horario: 10:00-14:00 hs os domingos de febreiro. Lugar: Escola Tradi O Xeito - Rúa San Eufrasio 94- Lugo
Prezo: 15 €/sesión. (aínda que o traballo é un contínuo, dase a posibilidade de acudir ás sesións de xeito independente)
Prazas limitadas.(segundo orde de inscripción)
Inscripcións no 982256485/651672551/696377381 Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

No vindeiro Recuncho da Palleta lembraremos ao gran Manuel Viqueira "Gaiteiro De Vilaverde" no aniversario do seu falecemento.

Varios / 25.01.19

lumepalleiraO vindeiro domingo, no "Recuncho da palleta" do programa "Lume na Palleira" conducido por Emilio Españadero, Gustavo Couto lembrará ao gran Manuel Viqueira "Gaiteiro De Vilaverde" no aniversario do seu falecemento.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Serán O Fiadeiro

Varios / 25.01.19

 

50301931 2276805599004421_6044600645833457664_oA A.C.F O Fiadeiro convida a todos os seus amigos e seguidores, outro ano máis, ó serán.

Celebrarase no salón de actos da AA.VV. Santa Mariña de Cabral o sábado 26 de xaneiro a partir das 21:30 horas. A entrada é gratuíta e haberá bebida e comida a prezos populares. E xa ben entrada a noite, ofreceremos chocolate ben quente para todos os asistentes.

Abrirán o serán os grupos da asociación e a continuación agardamos por todos aquelas agrupacións ou músicos que veñan dispostos a continuar a festa.

Ademais a ambientación estará baseada nos seráns dos anos 50, polo que todo aquel que guste poderá acudir vestido ó xeito daqueles tempos.

Agardamos por todos vos este sábado.

Se queredes máis información podedes contactar nos teléfonos 986 253 585 / 629 585 355 ou ben por correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .

III foliada vila de Meira

Varios / 25.01.19

50120761 2238359359713257_2000123706621296640_nO vindeiro 9 de febreiro terá lugar a III Foliada Vila de Meira. Haberá obradoiros de pandeira e de baile e foliada con Nove Ferreñas, Leña Verde, Lagharteiras e Comando Curuxa. Non faltedes!!!

No vindeiro Recuncho da Palleta falaremos do quinteto de Ferrolterra "Aires Da Terra"

Varios / 18.01.19

lumepalleiraO vindeiro domingo, no "Recuncho da palleta" do programa "Lume na Palleira" conducido por Emilio Españadero, Ramón Dopico, acompañado por Bruno Casal, falarannos do mítico quinteto de Ferrolterra "Aires Da Terra"

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Páxina 9 de 411