Asociacion de Gaiteiros Galegos

Gaiteiros galegos
Inicio / Novas

Novas

15º CICLO DE COROS GALEGOS HISTÓRICOS E NOVOS

Varios / 22.11.19

cantigas da terraO domingo 24 de novembro ás 19:00 horas, celebramos o 2º dia do 15º CICLO DE COROS GALEGOS HISTÓRICOS E NOVOS, no Teatro Rosalía de Castro da Coruña.

Esta segunda xornada de tres do Ciclo participaran:

- Cantigas e Agarimos, Os Enxebres de San Lázaro e o coro anfitrión, Cantigas da Terra.

Tamén un pequena representación teatral , “Ir por lan”, un breve diálogo humorístico de Manuel Lugrís Freire, interpretado polo noso Cadro de Teatro.

No cartel empregamos unha fotografía do gaiteiro e musicólogo Perfecto Feijoo Poncet, fundador do primeiro coro galego e xa desaparecido coro Aires da Terra (1983-1914) de Pontevedra.

 Se non chove, faremos pasarrúas pola rúa Real ás 18.30h.  

 A entrada é de balde até encher o aforo.

Homenaxe ao Padre Marino Domínguez Chantrero

Varios / 22.11.19

 

p.marinoA asociación artístico cultural "Os Chaneiros" e o colexio San Narciso, contando con colaboradores de outras épocas dos Chaneiros, teñen a ben organizar este acto na honra do Padre Marino, o noso fundador, que ademais foi padre Paúl do Colexio San Narciso. Do que tamén foi mestre. O acto fai un chamamento ós ex de tódalas xeracións. Realizarase con música, coma el sempre quixo.

O pasado 19 de outubro os 85 anos,  falecía en Ourense o  P. Marino Dominguez Chantrero. Home polifacético e que entre outras moitas facetas destacaba pola de ser un Galeguista que ademáis de amar a súa terra e a súa cultura traballou incansablemente na súa divulgación. Colaborou activamente en moitos proxectos relacionados coa nosa cultura, entre eles na fundación da Asociación de Gaiteir@s Galeg@s, estivo presente en distintas reunións que foron o xermen da actual Asociación.

Sempre tratou de acercar a nosa música os nenos, polos Chaneiros, grupo que funda en Marín a principio doa anos 70 pasaron centos de nenos, moitos pasaron a formar parte dos Chaneiros e outros tras esta primeira toma de contacto continuaron a súa formación noutros grupos. A labor desinteresada do P. Marino e tantos outros nos anos 70 e 80 son a base sobre a que hoxe se sustenta a forza da nosa música.

Seguindo a vontade de moitos, que non puideron ir o seu funeral no Santuario dos Milagres de Maceda a presentar as súas condolencias, vaise a realizar unha homenaxe a súa figura en Marín. Concretamente os actos terán lugar no Colexio San Narciso, en Chan do Monte, na que foi a súa casa durante moitos anos.

Os actos serán o día 24 de Novembro (Domingo) e consistirán nun acto homenaxe ás 17:00 na Mesa de Pedra que fica o fondo da pista de atletismo. Recórdannos que el colaborou activamente na súa construcción e é un lugar privilexiado para adicarlle unhas verbas. Durante o acto descubrirase unha placa na súa memoria nun recuncho do patio que el mismo labrou da pedra e despois xa no salón de actos faremos un recordo da súa traxectoria de mans do Irmán Elixio Rivas e doutras persoas que compartiron vivencias con el. Durante o acto tocarán Os Chaneiros, grupo que fundou nos anos 70 e segue en activo, e antiguos alumnos como Picuiña ou o gaiteiro Anxo Lorenzo entre outros.

Despois do acto na Mesa iremos para o Salón de Actos ónde continuaremos coa homenaxe, recordando a figura do P. Mariño e o que significou para "Os Chaneiros", o Colexio e tantas outras persoas que tiveron relación con él. Para finalizar ( sobre as 19:00) celebraremos unha misa en galego na súa honra,na que se fará a ofrenda con gaita e baile que o propio Padre Marino montou no seu dia e ónde nos gustaría que soaran gaitas de tódalas épocas dos Chaneiros, todos tocando xuntos para él.

As cancións que se tocarán na misa serán: Antiguo Reino, Himno Galego, A Barroca e non pode faltar o "Baile da Misa".

Dende a organización deste evento, invitamos a todo aquel que queira colaborar no acto a poñer o seu gran de area. Quérese aproveitar este evento para facer un reencontro dentro desta gran familia Chaneira, que é o que sempre desexou o Padre Marino

Os medios para colaborar pasan por:

- Xuntarse cos excompañeiros e adicar unha canción libre no acto homenaxe.

- Tocar na misa durante as canción de: entrada, consagración e saída.

- Preparar unhas verbas

- Se non vas a poder asistir e queres participar neste acto, farase un pase de videos o remate da misa de toda a xente que lle queira facer unha dedicatoria. O ideal sería ter videos de non moito máis de 30 segundos. e envialos os chaneiros,no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo . Agradecerase a participación enviando fotos únicas ou recordos para honra-la memoria do Padre Marino.

Para a coordinación da música para a homenaxe, os chaneiros convocan ós ex para afinar e repasar os temas, o sábado ás 12 da mañá, no colexio San Narciso.
Todo aquel que desexe colaborar tocando no evento, debe personarse nese ensaio.


 

 

Charla – Concerto na Tradescola "A PEGADA DA VIOLENCIA CONTRA AS MULLERES NAS CANTIGAS DA MONTAÑA" por Branca Villares

Varios / 21.11.19

contraviolenciaxenero2 - pqA Tradescola organiza para o vindeiro martes 26 de Novembro ás 19.00 horas unha actividade de sensibilización contra a violencia de xénero consistente nunha Charla – Concerto: "A PEGADA DA VIOLENCIA CONTRA AS MULLERES NAS CANTIGAS DA MONTAÑA" que estará impartida por Branca Villares.

Este relatorio – concerto, que terá lugar no Salón de Actos do Lug 2 (Tradescola) é unha proposta à reflexiòn dende a experiencia de 16 grupos de mulleres que cantan. Nestos 16 grupos de mulleres de toda a provincia de Lugo traballouse periòdicamente durante 2 cursos en repensar què cousas das que se cantaban tiña sentido seguir cantando.

De todas estas reflexións e das cantigas que as acompañan é que se compòn esta charla.

Nesta ocasión Branca Villares estará acompañada por alumnado da Tradescola, concretamente aulas de perfeccionamento de canto tradicional e pandeira.

Esta actividade organízase co obxectivo de promover e facer visible o noso rexeitamento ante calquera tipo de violencia contra as mulleres.

A Asociación Berros do Castro organiza a XI Xornada de Cultura Popular Galega "Xogando coa tradición"

Varios / 21.11.19

sadurnioA Asociación Berros do Castro organiza a XI Xornada de Cultura Popular Galega "Xogando coa tradición" que terá lugar o sábado 30 de novembro, na casa da cultura de San Sadurniño.

Constará de 3 bloques culturais:

- A EXPOSICIÓN "O xoguete tradicional na nosa cultura" , reusltado do labor de investigación do escritor Antón Cortizas.
- O OBRADOIRO "O Pandeiro cadrado na Galiza" a cargo de Xulia Feixoo e Guillerme Inácio Costa
- Os CONCERTOS abertos e gratuitos a partires das 20 horas a cargo, en primeiro lugar dos docentes e alumnos do obradoiro, da A. C Buxainas Cedeira e o cuarteto ferrolán RAPARIGOS · gaiteiros galegos

 

 

Tradición en Feminino no vindeiro Recuncho da Palleta

Varios / 15.11.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Carme López e Marina F. Vigo falarannos sobre a actividade Tradición en Feminino, unha xornada que organiza a AGG o vindeiro sábado 23 de Novembro en Arcos, coa que quere reivindicar o enorme e imprescindible papel que tivo e ten a muller para a preservación e transmisión da nosa riqueza cultural. Unha xornada lúdica onde compartir tradición tocando, cantando e bailando a través de obradoiros prácticos, unha charla e unha mesa de debate.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Tradición en Feminino

AGG / 08.11.19

tradicionenfeminino webA AGG organiza o vindeiro sábado 23 de Novembro en Arcos, ao abeiro das axudas para actividades culturais da Deputación de A Coruña, a actividade Tradición en Feminino, coa que queremos reivindicar o enorme e imprescindible papel que tivo e ten a muller para a preservación e transmisión da nosa riqueza cultural. Unha xornada lúdica onde compartiremos tradición tocando, cantando e bailando a través de obradoiros prácticos, unha charla e unha mesa de debate.

PROGRAMA:
10.15 - Apertura e entrega de documentación
10.30 - Obradoiro I
“Pandeirada en Liñares. Repertorio vocal acompañado de percusión de man nos anos 1993 e 1995”. Carme López
12.15 - Obradoiro II
“Fouleada en Arcos coas informantes”. José Codesido
14.15 – Xantar
17.00 - Relatorio
“A pegada da violencia contra as mulleres nas cantigas da montaña”. Branca Villares
18.00 – Mesa debate
“Mulleres e roles de xénero na transmisión oral”. Branca Villares, Carme López, Nuria Gesteira. Modera Marina F. Vigo.

LUGAR: Casa da Cultura de Mazaricos (Castelao, 1 - A Picota)

DATA: Sábado 23 de novembro

INFORMACIÓN E INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.
Os obradoiros son de balde e as prazas limitadas, tendo preferencia @s soci@s da, que disporán ata o martes día 19 para inscribirse, e partir desa data as prazas dispoñibles cubriranse por orde de inscrición.

Animádevos a participar!!! Esperámosvos!!!

O Proxecto Pesquedellas no vindeiro Recuncho da Palleta

Varios / 31.10.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Carme López entrevistará ás integrantes do proxecto pesquedellas, un grupo de xoves betanceiras que están a realizar labores de investigación a través de entrevistas e visitas a diferentes persoas relacionadas coa música tradicional (informantes, mestres...) para coñecer as súas vivencias e podelas compartir e divulgar.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

 

 

Xornadas de Percusión Tradicional AGG - Betanzos - 17 de novembro

Varios / 30.10.19

 

cartaz x.percusionemuf - copiaA AGG organiza o vindeiro domingo 17 de Novembro en Betanzos, ao abeiro das axudas para actividades culturais da Deputación de A Coruña, unhas xornadas de Percusión Tradicional que terán de  protagonistas ás percusións miúdas pola mañá,  e ao pandeiro redondo ou de paus e os toques de leghón pola tarde.

Os obradoiros estarán impartidos por expertos no mundo da percusión como Francisco Estévez “Chuco”, María Vidal e Xandre Outeiro.

PROGRAMA:

Domingo 17 de novembro

  • 10.30 - 13.30 horas – Obradoiro “Percusións miúdas” - Imparte: Francisco Estévez “Chuco”

Xantar

  • 16.30 - 18.00 horas – Obradoiro “O Pandeiro redondo ou de paos. Toques e melodías”- Imparte: María Vidal
  • 18.30 – 20.00 horas – Obradoiro “Os toques de leghón nas añas do Condado- Paradanta” – Imparte: Xandre Outeiro

LUGAR: Sede da Escola Municipal de Folclore de Betanzos (EMuF) – Centro Cultural San Francisco ( R/ Cabildos S/N – Betanzos – A Coruña)

INFORMACIÓN E INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG e os alumn@s da EMuF, que disporán ata o mércores día 13 para inscribirse, e partir desa data as prazas dispoñibles cubriranse por orde de inscrición.
 
Animádevos a participar!!! Esperámosvos!!!

 

Esta semana a Xuntanza de Gaiteir@s no Recuncho da Palleta

Varios / 25.10.19

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Ramón Dopico nos presentara a XXXI Xuntanza de Gaiteir@s, na que este ano se homenaxeará ao grupo "La Musgaña" .

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

O Serán desta aldea: "Cernadela"

AGG / 18.10.19

cartaz serandestaaldea_cernadela_webO vindeiro domingo 3 de novembro organizamos, coa colaboración do Concello de Mondariz e a Deputación de Pontevedra a segunda edición de O SERÁN DESTA ALDEA. Xornada do Baile Comunal, unha xornada lúdica onde compartiremos tradición, tocando, cantando, bailando e homenaxeando ás tocadoras e beilladoras da aldea protagonista, de xeito que poidamos reivindicar ás nosas grandes mestras da tradición e colaborar a consolidalas como o referente vivo que teñen que ser. 

Esta edición estará adicada a Cernadela (Riofrío, Mondariz), e nela teremos a ocasión de asistir a un obradoiro de pandeireta impartido por Leni Pérez, "A pandeireta en Cernadela"; o relatorio “Máis alá dos grupos, o fenómeno das ‘Nueches en danza’ en Asturies” da man do etnomusicólogo Llorián García; e ao obradoiro de baile que impartirá Pichi Abollado "O baile en Cernadela". Ademais poderemos desfrutar das propias protagonistas que nos contarán as súas experiencias.

Programa 

10.45h. Inauguración

11.00h. Obradoiro “A pandeireta en Cernadela”.

13.15h. Relatorio “Mais alá dos grupos, o fenómeno das ‘Nueches en danza’ en Asturies”.

14.30h. Xantar de confraternización. 

16.30h. Obradoiro “O baile en Cernadela”.  

18.30h. Descanso

18.45h. Conversa e homenaxe ás pandeireteiras de Cernadela (Riofrío, Mondariz).

20.00h. Serán 

Aforo limitado. A asistencia é de balde previa inscrición. Asimesmo, o xantar de confraternización terá un custo de 15€ /persoa e é preciso inscribirse antes do día 1 de novembro para asistir ao mesmo.

Podedes realizar as inscricións a través do correo electrónico  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo " ou a través de teléfono nos números 986 847 074 – 982 229 966

Páxina 6 de 416