Inicio / Novas

Novas

DÍA DO ORGULLO GAITEIRO

Do 17 de decembro do ano 1458 data o documento, achado polo escritor e historiador Xesús Ferro Couselo, no que o gaiteiro “Gomes Mouro”, do que a Asociación toma nome é recibido como veciño da vila de OURENSE.

Esa data supón pois a primeira constancia escrita da presenza dun gaiteiro na nosa cidade (a segunda en toda Galiza), e foi tomada pola Aula desde hai xa varios anos como xornada “reivindicativa” e lúdica arredor da nosa música tradicional.

O pasado ano 2004 bautizaron esa data como o “DÍA DO ORGULLO GAITEIRO”, un día no que fronte a universalización que nos conquista, tan enriquecedora e tan empobrecedora ao mesmo tempo, deixan ben claro que a nosa música segue viva, animando a todos os músic@s tradicionais a facer un exercicio de auto-estima combativa fronte a outras músicas que nos inundan.

Mais información.

OS CAMPANEIROS DE VILAGARCÍA: Gaiteiros de Arousa e O Salnés.

Publicacións / 10.12.05

Nova obra da serie multimedia de Edicións do Cumio.

LIBRO EN GRAN FORMATO COA VIDA E OBRA DOS CAMPANEIROS DE VILAGARCÍA QUE INCLÚE PARTITURAS E FOTOGRAFÍAS. CO LIBRO ACHÉGASE UN DVD CON FRAGMENTOS DE PELÍCULAS, GRAVACIÓNS DE AUDIO E VIDEO E UNHA GALERÍA DE IMAXES QUE REPASA A HISTORIA DO GRUPO MÁIS FAMOSO DAS RÍAS BAIXAS.

Neste libro, da autoría de Carlos Rey, Paulo Nogueira e Héctor Silveiro, estúdase en detalle un dos grupos máis míticos da nosa cultura musical tradicional.

José Carballa e Celestino Carballa tocaban bombo e tambor, respectivamente. Fillos de Palla Mallada, gaiteiro de renome na comarca da Arousa, despois de tocar co seu pai achegáronse a dous gaiteiros veciños, os irmáns Valiñas, para formar Os Campaneiros.

Mais información.

OS AREEIRAS: O legado dos Areeiras de Catoira

Publicacións / 10.12.05

Nova obra da serie multimedia de Edicións do Cumio.

LIBRO EN GRAN FORMATO COA VIDA E OBRA DOS AREEIRAS DE CATOIRA, PARTITURAS, FOTOGRAFÍAS E GUÍA DE AUDICIÓN DO CD INCLUÍDO CON 27 PEZAS GRAVADAS AOS AREEIRAS E A RAMÓN SUMAY.

Entre os gaiteiros das comarcas da Arousa e do Salnés predomina o criterio de considerar ós Areeiras como un dos grupos sobranceiros na música tradicional de Galicia. Esta obra de Xosé Manuel Navia e Francisco Javier García é o froito de case 14 anos de recompilación e conservación dese material acumulado por Ramón Sumay e doutros documentos espallados entre as persoas próximas ós Areeiras.

Mais información.

Novo CD de Servando e Contradança

Discografía / 10.12.05

SOM VOLTAS

Novo CD de "Servando e contradança" co-editado xunto coa "Associaçom Galega da Língua" (Agal) no que está reflectido o seu traballo realizado nestes últimos anos no campo da música tradicional galega e portuguesa.

Nel están incluídos alén dos temas propiamente tradicionais, outros de composicióm propia, algúns deles de carácter infantil, fruto das súas sesións cos máis miúdos e outros de carácter máis intimista. Termina cunha linda historia de Castelao interpretada e musicada polo propio Servando.

Comeza unha nova andaina: ATURUXO, o voceiro da AGG

Publicacións / 05.12.05

Vimos de enviar a todos os novos socios o primeiro número do voceiro da Asociación de Gaiteiros Galegos, ATURUXO, que pretende ser un medio de comunicación entre todas as persoas que traballan na música tradicional galega.

Deste xeito faremos chegar a todos vos o traballo e as novas máis recentes, pretendendo ser un xeito fluido de transmisión de información entre todos os colectivos, persoas, grupos, asociacións e individuos.

Ademais, aproveitamos para enviar un número especial do voceiro onde se explican os antecedentes e a situación actual relativa á problemática xerada pola posta en marcha, por parte da Excelentísima Deputación Provincial de Pontevedra, dunha Escola de Gaitas seguindo o modelo da Deputación de Ourense que tan nefastas consecuencias tivo para esa provincia.

Mais información.

Homenaxe a Bal y Gay

Varios / 30.11.05

Lugo, Santiago e Madrid, as tres cidades nas que transcorreu a vida de Bal y Gay en España, compartirán durante os próximos cinco meses os actos conmemorativos do centenario do seu nacemento.

Onte a mediodía inaugurouse unha exposición conmemorativa do centenario do nacemento do insigne músico e intelecual lucense. Pola noite foi ofrecido un concerto a cargo da mezzosoprano Elena Grágera e do pianista Antón Cardó.

Mais información.

A VICEPRESIDENCIA DA XUNTA DE GALIZA E A AGG ESTABLECERÁN LIÑAS DE COLABORACIÓN

Varios / 29.11.05

Nova tomada de

http://www.xunta.es/periodico/2911gaiteiros.htm

Anxo Quintana reuniuse esta mañá con representantes da Asociación de Gaiteiros Galegos.

O Vicepresidente da Xunta, Anxo Quintana recibiu esta mañá no seu despacho aos representantes da Asociación de Gaiteiros Galegos.

Os gaiteiros pedíronlle ao Vicepresidente a apertura dunha etapa de diálogo e colaboración co novo goberno coa finalidade de potenciar a música tradicional galega. Para conseguir este propósito propoñen a sinatura dun protocolo que regule a presenza da música tradicional galega nos actos institucionais da Xunta e apoio para a investigación e o ensino da música tradicional, creando, por exemplo, titulacións homologadas.

Os gaiteiros demandaron tamén do Vicepresidente, un apoio explícito para axudar a consolidar a estrutura da asociación que os agrupa.

HOMENAXE A SARASATE EN BUEU

Varios / 23.11.05

O próximo sábado 26 de novembro de 2005 no museo MASSÓ en Bueu a partir das 19 horas, haberá un doble acto de aniversario do Museo e de recoñecemento a dous dos seus fundadores. Acto seguido haberá un acto musical con obras de Pablo Sarasate interpretadas ao violín e ao piano. Finalmente pechará a banda de gaitas Manxadoira de Bueu dirixida por Anxo Gago con arranxos de dúas obras de carácter galego autógrafas atopadas neste Museo o que constitúe unha nova descoñecida e de grande importancia porque relaciona documentalmente a este Artista de sona Europea coa música galega.

I CONCURSO DE RECOLLIDA DE PANXOLIÑAS E CANTARES DE REIS”

Concursos e Certames / 23.11.05

A CONSELLERÍA DE CULTURA E DEPORTE, A TRAVÉS DA DIRECCIÓN XERAL DE CREACIÓN E PROMOCIÓN CULTURAL, E MAIS O CONCELLO DE BOIMORTO, CONVOCAN O I CONCURSO DE RECOLLIDA DE PANXOLIÑAS E CANTARES DE REIS, CO FIN DE CONTRIBUÍR Á ESTABILIZACIÓN DO PATRIMONIO FOLCLÓRICO GALEGO RELATIVO AO NADAL, DE ACORDO COAS SEGUINTES BASES:

Mais información.

Concurso de Cuadrillas de Reiceiros