Seminario sobre palletas e pallóns para gaita galega

Cursos / 20.06.06

O pasado sábado 17 de xuño tivo lugar en Melide o Seminario sobre palletas e pallóns para gaita galega, impartido por Rubén e Antonio González e Xosé e Álvaro Seivane.

Este evento, organizado pola AGG co patrocinio da Deputación de A Coruña e coa colaboración do Concello de Melide, ofreceu a oportunidade de escoitar a uns dos grandes protagonistas da evolución da gaita galega nos últimos anos. Como estaba anunciado falouse de temas como a importancia da escolla da cana, o coñecemento do instrumento ao que van destinadas as palletas e pallóns, a incidencia dos factores atmosféricos, trucos para mellorar a afinación, etc.

Ao seminario acudiron numerosos artesáns e intérpretes do mundo da música tradicional quen tamén puideron expoñer as súas preguntas e dúbidas ao final da charla. Pero, se algo quedou claro, foi a mensaxe transmitida polos mestres: os gaiteiros de hoxe en día téñenlle moito medo á palleta. Isto fai que os artesáns teñan que facer por eles un traballo que non lles corresponde, que o dificulta enormemente e que pode mermar o resutlado final: a acomodación da palleta ao xeito de tocar de cada gaiteiro.

Bases para o concurso VII Memorial Ricardo Portela 2006

Concursos e Certames / 15.06.06

Publicamos as bases do concurso VII Memorial Ricardo Portela 2006 que se celebrará en Pontevedra o vindeiro sábado 15 de xullo.
Podedes consultalas en formato pdf clicando aquí.

GRANDE PRESENTACIÓN E CONCERTO ABERTO NO CASINO DE LALÍN

Concertos / 13.06.06

O dia 17 de xuño do 2006 ás 16 horas se presenta a revista Etnofolk e o libro "Orquestras populares das Mariñas" (Betanzos).
Ás 19 horas haberá un concerto a cargo do Combo Folque, os vocalistas Begoña Fdez, Inés Portela e Xan Herrera, nenos e nenas da Escola Folque Infantil. Interpretarase o "Tango Estudio de Pintura" do profesor Pedro Pascual acompañado por Benxamín Otero ao oboe, Dario Gonzalez ao vibráfono, Carlos Quintá ó diatónico e Cris Presas ao violoncello. RTamén estarán presentes os gaiteiros Xan Herrera e Pablo Pacior, o duo de violino e zanfona Pauline Maasik e Mauro Senin e a aula de flautas do CMTF, entre outros.

Ás 22 horas terá lugar unha Cea no Restaurante " As vilas" de Lalín (inscribete na secretaria do CMTF) e a partir das 23.30 horas Jam sesión no Casino.

Organiza: Conservatorio de Música Tradicional e Folque.
Promove: Circulo Recreativo / Patronato Cultural de Lalín

V FESTA RACHADA A BAÑA, 1 XULLO 2006

Festivais, Foliadas, Romarías / 13.06.06

O proximo 1 de xullo na Área Recreativa Agra de Chans e dende as 13:00 h. Contaremos coa presenza dos grupos:

-Os Pequenos da Baña.
-Grupo de gaitas Rosalía de Castro de Cacheiras (Teo).

Haberá un xantar campestre, podedes traer a comida, coma se adoitaba facer nas romarías tradicionais.

Mais información.

Feira da Cultura e da Música Tradicional en Bertamiráns

Festivais, Foliadas, Romarías / 12.06.06

A Asociación Cultural Follas Novas e o Concello de Ames, en colaboración coa Asociación de Gaiteiros Galegos e A Consellería de Cultura e Deportes, organizarán os vindeiros 13, 14 e 15 de xullo de 2006 a Feira da Cultura e da Música Tradicional de Bertamiráns.

Os citados días desenvolveranse cursos de música tradicional e obradoiros de diversas clases de instrumentos que terán lugar no Pazo da Peregrina, Bertamiráns, Ames, sendo a idade mínima para participar serán os 8 anos cumpridos.

Para inscribirse nestas actividades podedes descargar o formulario máis abaixo, cubrilo na vosa computadora e enviar as solicitudes en formato electrónico ao Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou impreso a Asociación de Gaiteiros Galegos, Afonso XIII, 7, 36002, Pontevedra, desde o 4 de xuño ao 4 de xullo. As taxas da matrícula poden ser ingresadas no seguinte número de conta: 2080 – 0215 – 42 – 0040000 922 (Caixa Nova). Ao inicio do curso os participantes deberán presentar unha copia do formulario máis o certificado de ter aboado as taxas da matrícula.

Descargar formulario de inscrición

Descargar horarios

Descargar curriculum do profesorado

Seminario sobre palletas e pallóns para gaita galega

Cursos / 09.06.06

Asociación de Gaiteiros Galegos está a realizar unha ampla labor en torno á construción de instrumentos de música tradicional galega. Abrangue diversas actuacións como son as mostras de artesáns, entrevistas nos medios de comunicación, exposicións, publicacións...

Nesta ocasión, recoñecidos artesáns construtores do instrumento simbólico galego, daranse cita o vindeiro sábado 17 de xuño no Centro Multiusos de Melide para faceren as súas aportacións en torno á gaita, palletas e pallóns, ben sexan de construcción tradicional ou de novos materiais. Nun ambiente propicio, tentaremos contrastar ideas e achegar experiencias persoais nun eido fundamental: a afinación. Con isto pretendemos contribuir a mellorar a calidade da música e a ampliar a aceptación do instrumento.



O seminario vai dirixido tanto a quen interpreta música como tamén ás persoas relacionadas coa construción da gaita e que queiran afondar no tema. Os tipos de palletas e pallóns, os materiais cos que se elaboran, a correcta inserción no punteiro e nos outros tubos sonoros, o trato e o coidado que se lles debe dispensar, a importancia das condicións ambientais no comportamento destes elementos..., Serán temas que se abordarán no encontro.

Teremos o privilexio de escoitar a persoas que, coma poucas, coñecen o seu traballo, a súa arte, e que teñen feito moito pola evolución e pola e mellora do son da gaita galega: Rubén e Antonio González e Xosé e Álvaro Seivane.

A asistencia ao seminario é gratuíta. Terá lugar entre as 11 da mañá e a 13.30 horas no Centro Multiusos de Melide. Ao remate do evento haberá unha comida para os asistentes (prezo: 20 euros). Os que estean interesados poden chamar para facer a reserva da comida no 986 847 074 ou ben no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Mais información.

Moxenas, Musical Galego

Concertos / 02.06.06

Este venres, 2 de xuño, ás 21:30 horas, e no magnífico Auditorio do Centro Cultural de Beade en Vigo, tes a posibilidade de disfrutares da presentación de todo un novo repertorio de MOXENAS MUSICAL GALEGO, unha proposta diferente, audaz, fresca e aberta creada a partir do amor máis incondicional de corenta artistas á música tradicional do noso país patrocinada pola Federación Veciñal Viguesa.

Por todo isto, é un pracer convidarte a vires e gozares de 90 intensos minutos de viaxe arredor dun planeta de voces, gaiteiros, pianistas, trompetistas, clarinetistas, pandeireteiras, frautistas, bombeiros, saxofonistas, tamborileiros, zanfonistas...

Pandereteiras de Barro de Arén: “Cerdediño pr’ós amores”

Discografía / 31.05.06

Acaba de ser editado o disco “Cerdediño p’rós amores” das xa míticas pandereteiras do lugar de Barro de Arén (Cerdedo, Terra de Montes). Trátase do primeiro traballo discográfico adicado integramente a un grupo de pandereteiras “tradicionais” galegas, todas elas roldando os 75 anos. A finais do 2005 e primeiros do 2006 entraron no estudo de gravación Phonos da Estrada para deixármonos constancia das músicas da súa mocidade, aquelas que elas herdaron dos seus maiores, e que son unha mostra viva da forza da tradición oral galega.

O vindeiro domingo 4 de xuño terá lugar a presentación do disco no Teatro Principal de Pontevedra ás 20 horas onde poderemos escoitar a Leilía; Os Abrentes; Donicelas; O Tear de Llerena; Xirandola e, por suposto ás Pandereteiras de Barro de Arén.

Mais información.

Música tradicional en actos institucionais

AGG / 29.05.06

Pepe Vaamonde e Xosé Manuel Sánchez Rei acudiron a Arzúa, o pasado venres 26 de maio, para participar no acto de inauguración do Centro de Maiores da vila coruñesa. Anxo Quintana, directivos de San Rosendo; o arcebispo de Santiago, Julián Barrio; e o alcalde de Arzúa, Xaquín García foron os encargados de presidir o acto.

Esta actuación pretende ser o inicio da colaboración que a Asociación de Gaiteiros Galegos e a Vicepresidencia da Igualdade e do Benestar desenvolverán co fin de normalizar a presenza da música tradicional nos actos institucionais.

Sondeseu, 10 anos do CMT

Reunións, actos, ... / 24.05.06

O vindeiro xoves, 1 de Xuño ás 22:00 horas, no Teatro Sá de Concertos do Centro Cultural Caixanova terá lugar a homenaxe Sondeseu, 10 anos do CMT. A reserva de localidades pódese realizar en www.caixanova.es ou na taquilla telefónica 902 504 500.

A creación do Conservatorio de Música Tradicional, dentro da Escola Municipal de Artes e Oficios de Vigo (antes Universidade Popular) en 1996 veu inaugurar un novo xeito de concebir os centros educativos no amplo mundo do ensino da música popular galega.

Cumprénse 10 anos da súa aparición e polas súas aulas teñen pasado a maior parte dos músicos que na actualidade manteñen vivo e creador o mundo da música tradicional e a súa expresión urbana: o folc.

Un dos máis importantes fitos no decorrer destes anos ten sido a formación da primeira Orquestra Folc en España: Sondeseu. Co seu primeiro traballo discográfico no mercado (Mar de Vigo, que merecéu mencións especiais da prestixiosa revista Folk Roots e dos medios galegos españois especializados) e o segundo en proceso de produción, Sondeseu xa é un referente nacional e internacional.

Mais información.