XVIII Concurso de Gaita Galega "Constantino Bellón"

Concursos e Certames / 29.08.08

Os días 30 e 31 de agosto celebrarase o XVIII Concurso de Gaita Galega “Constantino Bellón”
Os actos comenzarán o día 30 as 20,30 da tarde e terá lugar no teatro Jofre en Ferrol coa presentación do dobre cd da gravación dos actos do 2007 e a interpretación da peza ganadora do concurso de composición “Constantino Bellón” 2008. O gañador desta edición foi Pablo Devigo Vázquez pola partitura “Bría” para Gaita Solista en Do, Cordas e Piano.
Os finalistas deste premio foron:
Javier María López Rodríguez coa obra “A derradeira sintaxe” para Gaita e Orquestra de Corda.
David Bellas García coa obra “Historia de amor en Bb” para Gaita, Violín e Piano.
Seguirá a actuación da orquesta de cámara e unha cea e reunión de grupos invitados e personalidades

O seguinte día, domingo 31 á mesma hora terá lugar a final do concurso cos seguintes participantes:

1) Santiago Agustín Molina, Arxentina.(Gaiteiro de Soutelo)
2) Isidro Vidal Gallardo,Ourense.
3) Vicente Carlos González Siri, Uruguay. (Gaiteiro de Soutelo)
4) Gonzalo Abelairas Lemos, Ourense.
5) Jordi Torres Piñeiro, Arxentina. (Gaiteiro de Soutelo)
6) Ricardo Mouriño Freire, Ferrol.
7) Daniel Lumbreras Rodríguez, Gipuzkoa. (Gaiteiro de Soutelo)
8) Pablo Devigo Vázquez, Castro Caldelas,Ourense.
9) José Manuel Mojón Pérez, Ourense.
10) Bruno Villamor Gay, Lugo.


*Mención de Gaita “Constantino Bellón” Presentación e Entrega “Gaita de Ouro” 2008 ao programa da CRTVG “ALALÁ” pola súa laboura de difusión e defensa da música tradicional galega.
*Entrega do PREMIO de “Composición para Gaita Galega Solista” punto nº 9 das Bases do XVIII Concurso de Gaita Galega “Constantino Bellón” a Pablo Devigo Vázquez.
* Entrega aos finalistas : Figura Sargadelos , Diploma Participantes e, como aportación especial para este Concurso por parte da Fundación Pedro Barrié de la Maza , no seu nome Dona Carmela Arias y Díaz de Rábago, faise entrega das reedicións críticas dos Cancioneros editados pola Fundación aos participantes nesta Final.
* Actuación conxunta dos finalistas.
* Lectura fallo do xurado entrega de premios e entrega do premio (punto g) correspondente ao “Gaiteiro de Soutelo” (Punto 5 das Bases do Constantino Bellón”)

http://www.ateneo-ferrolan.blogspot.com

Gaita de Ouro “Constantino Bellón 2008” ao programa Alalá

Varios / 28.08.08

O Ateneo Ferrolán acordou en Xunta Directiva concedela Mención de Gaita de Ouro “Constantino Bellón” correspondente ao ano 2008 ao programa da CRTVG “ALALÁ” pola súa laboura de difusión e defensa da música tradicional galega.

A imposición da citada Mención terá lugar no ACTO que se celebrará o próximo domingo día 31 de agosto, as 20,30 horas, no Teatro JOFRE de Ferrol coincidindo coa Final do XVIII Concurso de Gaita Galega “Constantino Bellón”

O programa Alalá comezou a emitirse o 14 de febreiro do 2006 coa intención de achegar ós espectadores da Televisión de Galicia unha visión do folclore tradicional distinta do que ata entón se viña facendo, da imaxe totalmente descontextualizada que se ofrecía da música galega, que non ía máis alá das actuacións en plató alleas á realidade dos grupos e das asociacións que as protagonizaban.

MARADENTRO. Festival Cultural

Festivais, Foliadas, Romarías / 28.08.08

CLUBTURA (Asociación de salas de música ao vivo ) e ROI XORDO como socio fundador da mesma, organizan o sábado dia 30 de agosto un Festival Cultural en homenaxe a Carlos H. Díaz Pérez, que foi secretario de Clubtura e un dos seus principales impulsores.

Este festival pretende ser un reflexo do que foi o seu traballo a favor das expresións artísticas, sobor de todo en pequeño formato, no que
creia profundamente, e loitou por facelas realidade , tanto no ROI XORDO, como en CLUBTURA.

Polo seu local pasaron tódolos artistas que participarán neste festival e que queren estar presentes neste día , outros moitos os que non lles foi posible mostraron o seu apoio o acto.

Preténdese que sexa un día de festa para lembrar a un amigo e nos convidan a todos a acompañalos

Para máis información chamar ao teléfono 670016754
Paco Quintas
Bar Liceum
Presidente de Clubtura

Ver cartel...

Campás e campaneiros

Varios / 26.08.08

Os Chichisos organizan por 2º ano “CAMPÁS E CAMPANEIROS”. Con elo queren seguir dando a coñecer o patrimonio sonoro cunha demostración de todos os toques tradicionais que a través das campás se producen, tales como avisos de mortes, chamadas a misa, avisos de incendios, etc. e inventarialos.

Cada vez quedan menos campaneiros que sexan coñecedores dos diferentes toques ou sinais para comunicar os distintos acontecementos sociais, sendo sustituidos por aparellos electrónicos que desenrolan a labor de tanxer as campás, ao mesmo tempo que os cidadáns tampouco identificamos o que se transmite a través desta linguaxe tradicional.

O evento terá lugar o 13 de setembro na Igrexa parroqial da Ínsua (Pontecaldelas-Pontevedra) co seguinte programa:

16.30 h REPIQUE DE CAMPÁS, chamamento aos participantes pro inicio das actividades.
DEMOSTRACIÓN DOS DIFERENTES SINAIS E TOQUES de campás por Elías Darriba, Juán Manuel Darriba e Juan Carlos Pereira.
17.30 h Concerto “CAMPÁS, GAITAS E FOGUETES” a cargo do grupo “ Os Chichisos “
18.00 h “CAMPANARIO ABERTO PRA CAMPANEIROS”, repiques de diferentes zonas e lugares.
18.30 h “CAMPANARIO ABERTO PRA PARTICIPANTES”, prácticas coas campás.
20,00 h VIÑO GALEGO para os participantes inscritos, na taberna “ eicho de dar queridiña “

Nº DE PRAZAS: 25
PREZO: 10 €
TELÉFONO DE RESERVAS: 676.842.942

Todos os sons serán grabados pola Asociación Escoitar.org, que está a traballar na recuperación do patrimonio sonoro de Galicia, é dun xeito especial dos sons en perigo de extinción, que é o caso que nos ocupa.
Contan coa colaboración desinteresada dos Sres. Elías Darriba, Juan Manuel Darriba e Juan Carlos Pereira, todos eles campaneiros da Insua.

As actividades poden ser presenciadas por todo o público que o desexe
Máis información no teléfono 676842942

Himno de Galicia: Partitura Oficial

Varios / 20.08.08

Nos últimos tempos téñense detectado distintas versións do Himno de Galicia nas interpretacións que os/as gaiteiros/as do país fan nas súas actuacións. Despois de facer unha primeira consulta no Diario Oficial de Galicia, observouse que na lei 5/1984 publicáronse con total precisión aspectos relativos á bandeira, ao escudo e máis á letra. Non entanto, no referente á partitura o texto do Diario Oficial de Galicia ten levado ás distintas versións xa referidas: "a partitura non se publica por ser coñecida nos medios interesados".

Á vista da situación Iván Area e Suso Vaamonde teñen feito un traballo de procura da versión oficial da partitura, que aparece recollida no libro "Normas Institucionais de Galicia" fornecido pola Vicepresidenta do Parlamento de Galicia, dona María Tereixa Paz Franco, a quen agradecemos o seu tempo para unha difusión das letras e partitura oficiais. Para facilitar o traballo dos/as gaiteiros/as publícase ademais unha versión para dúo de gaitas e percusión arranxada por Suso Vaamonde e Xosé Lois Romero.

Sinalar que no relativo á letra do himno inclúese a letra oficial do Himno publicada na Lei de Símbolos (1984), que presenta algunhas modificacións a respecto do texto orixinal de Eduardo Pondal de 1890.
Para todo o relacionado coa letra do Himno e o proceso histórico de transmisión, pódese consultar a obra De Breogán aos Pinos. O texto do Himno Galego, de Manuel Ferreiro (editorial Laiovento, Santiago de Compostela, 4º edición).

Máis información

Festival Terra Brava - O Incio

Concertos / 19.08.08

O día 24 de Agosto, domingo, celébrase unha nova edición do festival da Terra Brava na localidade de O Incio (Lugo). As actividades comezarán pola mañá coa actuación de A requinta da Laxeira que dará paso a un xantar popular. Pola tarde volverá actuar o grupo de requinteiros e o contacontos Celso Fernández. Tamén se levarán a cabo actividades de animación con xogos para os cativos e maiores.

Esta é a sexta edición consecutiva da festa, que a partires das 20h conta coas actuacións dos grupos:

A REQUINTA DA LAXEIRA
A TURRE´S BAND
OS TRES TREBÓNS
ULTRÄQÄNS

Premio de composición para gaita galega "Constantino Bellón"

Concursos e Certames / 18.08.08

PABLO DEVIGO VÁZQUEZ resultou gañador do Premio de Composición para Gaita Galega Solista "Constantino Bellón" pola súa obra “BRÍA” para Gaita Solista en Do, Cordas e Piano. Así o decidiu o xurado formado por D. Víctor Fernández Gabeiras, D. Xesús Vaamonde Manteiga, D. Xavier Rodríguez Fariñas, D. Pablo López Torneiro e D. Xoán Rodríguez Silvar quen tamén acordaron declarar finalistas do concurso a JAVIER MARIA LÓPEZ RODRIGUEZ coa obra “A DERRADEIRA SINTAXE” para Gaita e Orquestra de Corda e DAVID BELLAS GARCIA coa obra “HISTORIA DE AMOR en Bb” para Gaita, Violin e Piano.

Finalistas XVIII Concurso de Gaita Galega “CONSTANTINO BELLÓN”

Concursos e Certames / 18.08.08

En Ferrol, o día 30 de xullo de 2008, no local do Ateneo Ferrolán, sito na rúa Magdalena, 202-204, 1º , o XURADO do XVIII Concurso de Gaita Galega “CONSTANTINO BELLÓN”, composto por: D. Víctor Fernández Gabeiras, D. Xesús Vaamonde Manteiga, D. Xavier Rodríguez Fariñas, D. Pablo López Torneiro, D. Xoán Rodríguez Silvar e actuando como secretaria, sen voto, Dona María Cristina Meizoso Alonso, unha vez escoitadas e valoradas a totalidade das pezas presentadas a concurso, así como examinadas as partituras que se requirían para participar no mesmo,

ACORDOU, por unanimidade seleccionar aos seguintes finalistas:

1. Ricardo Manuel Mouriño Freire. Narón – A Coruña.
2. Pablo Devigo Vázquez. Castro Caldelas -Ourense.
3. Bruno Villamor Gay. Lugo.
4. Gonzalo Abeleiras Lemos. Ourense.
5. José Manuel Mojón Pérez. Ourense.
6. Isidro Vidal Gallardo. Ourense.
7. Daniel Lumbreras Rodríguez. Guipúzcoa.
8. Vicente Carlos González Siri. Uruguay.
9. Jordi Torres. Arxentina.
10. Santiago Agustín Molina. Arxentina.

II Mostra de Xogos e Deportes Tradicionais

Varios / 14.08.08

O sábado 30 de agosto terá lugar en Santalla a II Mostra de Xogos e Deportes Tradicionais de Galicia, Castela-León, Euskadi, Portugal e Asturias.

Acturarán Treixadura Gaiteiros e Orfeón as 15:00

Durante todo o día terán lugar as seguintes actividades:

II Torneo de Bolo Celta
Torneo Liga Nacional de Billarda
Exposición embarcacións tradicionais
Exposición Deportes Tradicionais de Bizkaia
Exhibición de Xogos e Deportes Tradicionais
Exposición Obradoiro de Xoguetes Tradicionais
Monta a cabalo

Haberá servicio de cafetería durante todo o día.
Estará habilitada unha zona de merendas de libre acceso.

Para consultar o programa completo preme...

IX Festa Folc de Vilariño

Festivais, Foliadas, Romarías / 14.08.08

Organizada pola Asociación Cultural "O Gato" o 16 de agosto celebrarase en Vilariño, Cangas a novena edición da Festa Folc de Vilariño.

Ao mediodía haberá unha mexilloada popular amenizada pola charanga Lembranzas da Ría.
Á noite, concertos cos grupos Serra-lhe Aí, Xosé Manuel Budiño e O Sonoro Maxín

Máis información...