Novas
Finalistas do X Certame de Debuxo para escolares organizado pola Tradescola
Varios / 22.11.23
Xa temos os finalistas do X Certame de Debuxo para escolares organizado pola Tradescola. Nesta edición participaron mais de 250 debuxos realizados polas nenas e nenos de primeiro, segundo e terceiro curso de primaria dos centros de ensino da Provincia de Lugo que ademais dunhas grandes dotes artísticas tamén nos amosaron os seus amplos coñecementos sobre a nosa música.
Esta iniciativa organizada pola Tradescola en colaboración coa Área de Cultura da Deputación e que acadou este ano a súa décima edición, ten a finalidade de potenciar e difundir entre os máis pequenos a música tradicional galega, e axudar a que coñezan os nosos instrumentos e o noso baile tradicional
A todos @s participantes queremos darlles os parabéns polos fantásticos debuxos que nos achegaron, e en especial aos 10 finalistas que recibirán como agasallo un lote de material didáctico relacionado coa nosa música tradicional!!!!!!
Os finalistas son:
Gael Varela Aguiar – CEIP “Xose Luis Taboada” – A Barrela – Carballedo – 8 anos
Goiás Pensado Rodríguez – CEIP Illa Verde de Lugo – 6 anos
Erea Bueno Parada – CEIP Rosalía de Castro de Lugo – 6 anos
Javier Echevarría Posada – CEIP O Cantel – Foz- 9 anos
Alicia Peinó González - CEIP Península da Paz – San Cibrao – Cervo – 7 anos
Carla Rouco Marqués – CEIP Laverde Ruiz – Outeiro de Rei – 7 anos
Lara Pérez López _ CEIP A Ponte – Lugo – 6 anos
Edahi Blanco Martínez – CEIP Plurilingüe A Pontenova – 8 anos
Aroa Fernández Barreiro - CEIP Laverde Ruiz – Outeiro de Rei – 6 anos
Pablo Fórneas Abuín – CEIP Anexa – Lugo – 8 anos
E o debuxo gañador do X Certame de debuxo da Tradescola, foi o de:
Aroa Fernández Barreiro - CEIP Laverde Ruiz – Outeiro de Rei – 6 anos
que entre outros agasallos disfrutará cos seus compañeiros dun concerto didáctico de música tradicional da Tradescola no seu centro educativo.!!!!
Dende a Tradescola poñerémonos en contacto con todas e todos os finalistas para concretar a entrega dos agasallos.
Dende a Tradescola queremos darlles os parabéns a todas e todos os participantes e moitas grazas por participar. Neste enlace podedes ver os debuxos finalistas desta edición:
Xa está todo preparado para a V edición do Encontro Tradición en Feminino
Varios / 09.11.23
A AGG organiza, ao abeiro das subvencións para actividades culturais da Deputación da Coruña e coa colaboración da rede de Centros Socioculturais do Concello de Santiago de Compostela, a quinta edición do encontro Tradición en Feminino, con relatorios, un obradoiro e un coloquio nos que se seguiremos poñendo en valor o papel da muller no eido da música tradicional galega.
PROGRAMA:
10.45 – Apertura
11.00 – Relatorio “O traballo de Dorothé Schubarth no Museo do Pobo Galego”. Concha Losada
11.45 – Descanso
12.00 - Obradoiro “Guías para o uso do ‘Cancioneiro popular galego’ de Dorothé Schubarth”. Sergio de la Ossa
13.30 – Xantar
16.30 – Coloquio “Dúas olladas feministas ao arquivo da oralidade musical galega” con Beatriz Busto e Xulia Feixoo
17.15 – Descanso
17.30 – Relatorio - concerto “A creación artística a través das gravacións de campo: o tránsito destas melodías ao contexto escénico”. Anaïs Barbier
A participación nas mesmas será de balde, previa reserva e ata completar aforo, tendo preferencia @s soci@s da AGG, que disporán ata o martes día 14 de novembro para inscribirse, e a partir desa data as prazas dispoñibles cubriranse por orde de inscripción.
DATA E LOCALIZACIÓN: Domingo 19 de novembro. No Centro Sociocultural do Castiñeiriño (Santiago de Compostela).
INFORMACIÓN PARA INSCIPCIÓNS: Deberán facerse nos teléfonos 986847074 ou 661637696 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos un teléfono de contacto e mail.
A AGG organiza unhas xornadas de percusión tradicional centradas no charrasco
Varios / 30.10.23
A AGG organiza o vindeiro domingo 12 de novembro, en colaboración coa área de cultura da Deputación da Coruña e o Concello de Vedra, unhas Xornadas adicadas á percusión tradicional, que nesta ocasión estarán centradas no charrasco. Durante a o desenvolvemento das mesmas, poderas aprender a construír o teu propio charrasco da man do artesán Xosé Tunhas, asistir a unha conversa sobre este instrumento con Santi Otero, Suso Vaamonde, Xosé Tunhas e a intervención a través dun pequeno vídeo de Antón Corral, no coloquio guiado por Ramón Dopico e xa na quenda da tarde aprenderás a técnica básica de como tocar este instrumento.
PROGRAMA:
10.50 – Apertura
11.00 – Obradoiro “Constrúe o teu propio charrasco”. Xosé Tunhas
13.30 - Xantar
16.30 - Coloquio “Conversas sobre o charrasco”. Con Santi Otero, Suso Vaamonde e Xosé Tunhas, e a intervención a través dun pequeno vídeo de Antón Corral. Modera Ramón Dopico
18.30 – Obradoiro de técnica básica de charrasco. Suso Vaamonde
LUGAR: Centro Sociocultural de Vedra
DATA: Domingo 12 de novembro de 2023
INFORMACIÓN E INSCRICIÓNS (*): Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail (Prazo de inscricións preferente para socios da AGG ata o domingo 29. Despois desa data, abriranse ao público en xeral).
A asistencia é de balde previa inscrición. Prazas limitadas!
A AGG organiza unha nova edición das Xornadas de gaita
Varios / 24.10.23
A gaita na emigración, os lugares e as músicas de Rosalía ou o gaita no ensino regrado serán os temas protagonistas dunhas novas xornadas culturais organizadas pola Asociación de Gaiteiras Galegas (AGG) ao abeiro das axudas para actividades culturais da Deputación de A Coruña, e coa participación da Casa de Rosalía.
A AGG organiza o vindeiro domingo 5 de novembro, en colaboración coa área de cultura da Deputación de A Coruña e coa participación da Casa de Rosalía, a cuarta edición das Xornadas de gaita, cun relatorio de investigación sobre a gaita na emigración, un roteiro músico-literario e unha mesa redonda. Nesta edición, contaremos co músico e investigador Chema Cebeiro, quen nos achegará á gaita e os seus intérpretes nos tempos da emigración no relatorio "Unha gaita na maleta". Tamén contaremos con Anxo Angueira, presidente da Fundación Rosalía, con quen percorreremos, na compañía do grupo Airiños da Casa da Matanza, os camiños e roteiros rosalianos nun roteiro músico-literario pola vila de Padrón. E para pechar, será tempo para o debate, ¿cales son as cuestións arredor do ensino da gaita nos estudos regrados? Xaime Estévez, Rebeca Carrera, Marina Vigo e Xiana Teixeiro contarannos as súas impresións sobre como é o ensino da gaita nos conservatorios galegos, nun coloquio moderado por Julio Alonso.
PROGRAMA:
10.45 – Apertura
11.00 – Relatorio : “Unha gaita na maleta”. Chema Cebeiro
11.50 Quenda de preguntas
12.15 – Roteiro músico-literario “Camiños e roteiros rosalianos en Padrón”. Anxo Angueira e os Airiños da Casa da Matanza - *Saída dende a Casa de Rosalía
14.00 – Xantar
16.30 – Mesa redonda “A gaita no ensino regrado”. Interveñen: Xaime Estévez, Rebeca Carrera, Marina Vigo e Xiana Teixeiro. Modera Julio Alonso
LUGAR: Casa de Rosalía (A Matanza, s/n. Padrón)
DATA: Domingo 5 de novembro de 2023
INFORMACIÓN E INSCRICIÓNS (*): Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.
(*) A participación nas xornadas será de balde, previa reserva e ata completar aforo, tendo preferencia @s soci@s da AGG.
Para máis información: AGG – 986 847 074 / Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
"Gaiteiros ao Piano", 18 pezas de mestres de gaita galega para piano elemental, novo traballo editado por Xaime Estévez
Varios / 24.10.23
Proximamente verá a luz un novo traballo, un álbum de pezas para piano "Gaiteiros ao Piano", editado por Xaime Estévez. Unha obra que pretende difundir o repertorio tradicional, a gaita galega e a compositores e compositoras de referencia dun xeito diferente a través da literatura pianística pedagóxica inicial.
Podes ler o limiar e atopar mais información sobre @s gaiteir@s e as obras que recolle o traballo no seguinte enlace: http://educafolk.blogspot.com/2023/09/gaiteiros-ao-piano.html
E se queres pedir máis información ou reservar un exemplar -xa que non vai ser unha edición comercial- ou inclusive solicitar unha presentación do traballo, podes enviarlle un mail ao autor a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Xaime Estévez
Profesor de música, Catedrático de Secundaria e Doutor en Ciencias da Educación especializado na música galega. Dende o ano 1983 impartiu clases e foi directivo en conservatorios, escolas de música, ensino secundario, universidade e centros culturais, en canto á gaita galega dende a data aludida imparte clases e publicou dúas metodoloxías para nenos e adultos. É membro da xunta directiva da AGG e forma parte activa de grupos como Os Terribles de Donas, banda de gaitas Raigames de Vigo ou Coro Galego e Son do Abrente de Mos, ten colaborado en máis de 20 discos da música galega. Na actualidade tamén forma parte do Consello Técnico Asesor do Arquivo Sonoro de Galicia do Consello da Cultura Galega.
O Serán desta aldea, xornadas do baile comunal
Varios / 06.10.23
Os vindeiros domingo 29 e martes 31 de outubro a Asociación de Gaiteiras Galegas organizamos a terceira edición de O SERÁN DESTA ALDEA, xornadas do baile comunal, coa colaboración do Concello de Mondariz, a Xunta de Galicia e o Cear Castromao, adicadas este ano á aldea de Aboal (Mondariz). Dúas xornadas onde compartiremos tradición, tocando, cantando, bailando e homenaxeando ás tocadoras e beilladoras da aldea protagonista, de xeito que poidamos reivindicar ás nosas grandes mestras da tradición e colaborar a consolidalas como o referente vivo que teñen que ser.
Nesta edición, que ampliamos a dous días, homenaxeamos ao barrio de Aboal (Mondariz) e as súas tocadeiras e beilladeiras Benedicta Carballo Suárez, Emérita Alfaia Seoane, Laurinda Ventín Portela, Marina Pedreira Alfaro, Orlando Garrido Barral e Raimunda Alfaia Seoane. (No cartel de ezquerda a dereita; Marina, Raimunda e Benedicta. Fotografía de Guillerme Ignacio)
O obradoiro monográfico sobre a pandeireta en Aboal será impartido por Xandre Outeiro, e o de baile nesa aldea por Miguel Souto. O antropólogo Rafael Quintía falaranos sobre o BIC A Foliada, e a seguir teremos un coloquio participativo, moderado por Guillerme Ignacio e no que contaremos con Rafael Quintía e mais con Xulia Feixoo, dous dos redactores do informe técnico para a declaración da foliada como BIC.
DOMINGO 29
10.30h. Inauguración
10.45h. Obradoiro “A pandeireta nos seráns de Aboal”. Xandre Outeiro
13.00h. Relatorio “BIC a foliada”. Rafael Quintía
13.45h. Coloquio “A Foliada, un patrimonio a debate” . Con Rafael Quintía, Xulia Feixoo e guiada por Guillerme Ignacio.
14.30h. Xantar de confraternización
17.30h. Obradoiro “O baile nos seráns de Aboal”. Miguel Souto
MARTES 31
20.00h. Homenaxe ás pandeireteiras de Aboal (Mondariz).
20.30h. Serán
A asistencia é de balde previa inscrición. Asimesmo, para asistir ao xantar de confraternización é preciso inscribirse antes do día 25 de outubro.
Podes realizar a inscrición a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou a través de teléfono nos números 986 847 074 – 982 229 966.
Agardámoste!!!
XXV edición da Mostra de Música Tradicional do Domingo das Mozas
Varios / 29.09.23
A Asociación de Gaiteir@s Galeg@s organiza de novo co patrocinio da area de Cultura do Concello de Lugo a que será a XXV edición da Mostra de Música Tradicional do Domingo das Mozas, mostra que contará coas actuacións de máis dunha docena de grupos de música tradicional galega, chegados dende distintos puntos da xeografía galega, e con distintas formacións (grupos de gaitas, pandeireteir@s, grupos de baile, murgas, etc... ) que encherán da nosa música o casco vello da cidade no día máis emblemático das festas.
Os grupos participantes na mostra actuarán en horario de mañá e de tarde no casco histórico da cidade, facendo pasarrúas por distintas prazas e rúas, de tal maneira que toda a xente que entre na cidade, sexa recibido co son da nosa musica tradicional.
Os Grupos participantes nesta edición son:
Rebulir Cultura Tradicional – Ramirás
Souto Xímaro – Lourenzá
Río de Anxo – Rianxo
Os Faiscas de Solobeira – Cambados
Abertal – A Rúa
Tumba e Dalle – A Mariña Lucense
Charanga Traspés - Vigo
Grupo de baile Traspés – Vigo
Pandeireteiras e pandeireteiros Traspés – Vigo
Par de Par – Ourense
Os Mecos de Ogrobe – O Grove
Axeigo – Lugo
E no esceario da Praza de Santa María contaremos cos grupos:
Bouba pandeireteiras
Tanto nos Ten
Pola mañá os grupos sairán dende a Mosqueira ás 11.30 horas facendo un pasarrúas polas distintas rúas do centro urbán amurallado, ata as 14:00h.
Pola tarde repetiranse as actuacións de rúa a partir das 17.00 horas, para logo rematar ás 18.00 horas, e a esa hora, poderemos desfrutar na Praza de Santa María dos Concertos de Bouba Pandeireteiras e Tanto nos Ten!!!
Esta mostra, na que a Asociación de Gaiteir@s Galeg@s xunta ano tras ano aos mellores grupos de música tradicional de Galicia, ten como finalidade a exaltación da música tradicional galega servindo como medio de difusión para que a nosa música chegue ao maior número de xente posible. É a única mostra deste tipo que se fai nunhas festas patronais e consegue que Lugo sexa referencia en toda Galicia, pois demostra que a nosa música tradicional pode ser a protagonista da festa na rúa.
Fondo pesar polo pasamento de Gabi, gaiteiro referente en grupos imprescindibles dos anos 90.
Varios / 18.09.23
XI Xornadas arredor da música tradicional
Varios / 13.09.23
A AGG organiza o vindeiro 23 de setembro, en colaboración coa Consellería de Cultura da Xunta de Galicia, a que será a undécima edición das Xornadas arredor da música tradicional e que se celebrarán na Casa da Gaita (Viascón).
Esta cita anual, que pon de relevo a importancia dos traballos de investigación, está destinada non só as persoas que traballan no eido da música tradicional, senon tamén a todas aquelas que queiran saber máis tanto das nosas tradicións, como das de outros lugares, xa que ao igual que nas pasadas edicións, amosaranse outras culturas tradicionais, creando un punto de encontro no que coñecer, afondar e transmitir as tradicións e no que se amosa a riqueza cultural dunha maneira aberta ao poder participar de xeito activo nas diversas ponencias, contribuindo e potenciando deste xeito a divulgación da música tradicional e a súa conservación.
PROGRAMA:
10.15 - Apertura
10.30 - Relatorio I : “A música da Farsa do Carril. Unha danza de espadas histórica”. Cristian Silva
11.20 Quenda de preguntas
11.30 - Relatorio II : “Arredor do patrimonio cultural inmaterial colectivo. Viaxe a unha declaración BIC”. Beatriz Busto
12.20 Quenda de preguntas
12.30 - Descanso
12.45 - Presentacións de publicacións
13.30 - Xantar
16.30 - Relatorio III : “Os Zés Pereiras: uma cultura musical do Entre Douro e Minho”. Napoleão Ribeiro
17.20 Quenda de preguntas
17.30 - Presentación do documental “Labrando músicas”.
17.55 Coloquio con Xaneco Tubío e Alejandro Gándara. Modera Susana Rois
18.30 - Descanso
19.00 - Relatorio IV : “O folión de Mormentelos. O Entroido na aldea de Mormentelos e os elementos que o compoñen”. Álvaro Rúa
19.50 Quenda de preguntas
A participación nas mesmas será de balde, previa reserva e ata completar aforo, tendo preferencia @s soci@s da AGG, que disporán ata o domingo día 17 de setembro para inscribirse, e a partir desa data as prazas dispoñibles cubriranse por orde de inscrición.
LUGAR: Casa da Gaita – Viascón (Cerdedo-Cotobade) e en liña
DATA: Sábado 23 de setembro
INSCRICIÓNS: Poderán faderse nos teléfonos 986.847.074 – 982.229.966 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.
Adeús a musicóloga Dorothé Schubarth, autora do Cancioneiro Popular Galego
Varios / 08.09.23
O mundo a música tradicional está de loito, onte falecía en Basilea, Dorothé Schubarth, un dos nomes imprescindibles cando falamos do noso patrimonio sonoro. Autora, xunto con Antón Santamarina do Cancioneiro Popular Galego, obra básica no estudo do noso folclore que aínda hoxe supón o referente para coñecer parte da nosa tradición músical.
Dorothé Shubarth chegaba a Galicia en 1978 durante unhas vacacións, para coñecer o noso folclore, alguén lle falara da súa riqueza, e a que ía ser unha breve estadía converteuse en anos de pescudas, entrevistas con informantes por toda a xeografía galega e centos de gravacións, que deron, despois dun intenso traballo de recollida, análise, clasificación e estudo dese material, a publicación en 1984 do Cancioneiro Popular Galego, en sete volumes, nunha edición publicada pola Fundación Barrié, considerado o máis amplo repertorio da musica popular de tradición oral galega.
Os musicólogos que até aquel momento fixeran estudos sobre a música popular ficaran na superficie do traballo, realizando compilacións de cantigas. Pola contra, Schubarth levou a cabo unha análise en profundidade das melodías, achegando unha proposta crítica de clasificación e propoñendo teorías sobre as orixes dos diferentes tipos. Ademais, foi a primeira que recoñeceu a importancia das informantes, sendo a primeira que recolleu os seus nomes. Foron cinco anos de traballo por aldeas, montes e corredoiras, que non remataron coa publicación dos materiais, senón que crearon un vínculo permanente da musicóloga con Galicia.
No ano 2014 doou os seus rexistros sonoros, 248 CD (copias dixitalizadas das gravacións orixinais) coas correspondentes transcricións a cargo de Antón Santamarina, ao Museo do Pobo Galego, onde foron incorporados ao seu Arquivo do Patrimonio Oral da Identidade (APOI) e ao Consello da Cultura Galega que permite o seu acceso no Arquivo Sonoro de Galicia.
Dende a Asociación de Gaiteiras Galegas lamentamos profundamente a perda dunha persoa tan importante e que tanto fixo pola música da nosa tradición oral.
Páxina 2 de 437