Asociacion de Gaiteiros Galegos

Inicio / Novas

Novas

As tradicións do Nadal no vindeiro Recuncho da Palleta

Varios / 04.12.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Gustavo Couto ofreceranos o primeiro dos seus especiais deste ano sobre as tradicións do Nadal!!

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas. 

Xornadas de Baile tradicional - AGG - 13 decembro - Vedra

Varios / 04.12.20

cartaz xbailedeco_2020_web - pqO vindeiro domingo 13 de decembro a AGG organiza unha nova edición das  Xornadas de Baile tradicional galego para tod@s os amantes do noso baile que terán lugar na Nave da Estación do Tren de Santa Cruz de Ribadulla, en Vedra.

Nestas xornadas, patrocinadas pola Deputación da Coruña e que contan coa colaboración do Concello de Vedra, contaremos con relatorios - obradoiros guiados por Diego Landín, Carolina Brut, Julia Pozo e Luis Prego.

Os obradoiros destas xornadas (non son de iniciación) están pensadas tanto para os profesionais do mundo da danza, como para todos aqueles interesados no baile galego, para que poidan completar os seus coñecementos e participar de xeito activo na mellora e dinamización da nosa tradición.

PROGRAMA XORNADAS DE BAILE

10.15 - Apertura

10.30 – Relatorio - Obradoiro I

                 “Acondicionamento físico na danza tradicional: quecemento, estiramento e prevención de lesións” - Diego Landín – Carolina Brut

12.00 – Descanso

12.10 - Relatorio – Obradoiro II

                 “O xeito de bailar en S. Pedro de Carcacía - Padrón” - Julia Pozo.

13.45 – Remate sesión da mañá

16.30 - Relatorio – Obradoiro III

                 “O xeito de bailar en Zobra” - Luis Prego

18.00 – Remate sesión da tarde

LUGAR: Nave da Estación do Tren de Santa Cruz de Ribadulla, en Vedra.

DATA: Domingo 13 de decembro

INFORMACIÓN E INSCRICIÓNS (*): Deberán facerse nos teléfonos 986 84 70 74 ou 982 22 99 66 ou enviando un correo electrónico a   Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo   indicando nome, apelidos, un teléfono de contacto e mail. 

(*) A participación nas xornadas será de balde, previa reserva e ata completar aforo, tendo preferencia @s soci@s da AGG, que disporán ata o mércores día 9 para inscribirse, e a partir desa data as prazas dispoñibles cubriranse por orde de inscrición.

A celebración das xornadas levarase a cabo cumprindo todas a medidas de seguridade necesarias por mor da COVID-19.

#aculturasegue

Os Viqueiras no vindeiro Recuncho da Palleta

Varios / 27.11.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Gustavo Couto estará acompañado polos Viqueiras, que están celebrando o seu 30 aniversario!!!!

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

A Tradescola participará o 25 N na performance Badaladas por Mulleres, coordinada por Branca Villares

Varios / 25.11.20

descarga 1 1Hoxe 25 de Novembro na Praza de San Marcos (Lugo) ás 19 h, e o día 30 de Novembro, no Vello Cárcere de Lugo as 20.30 h, terán lugar as postas en escea da performance "Badaladas por Mulleres", dirixida por Branca Villares e na que participarán alumnas de canto tradicional da Tradescola, Pablo Pintor (zanfona), Alis Martínez (violonchelo) e contará tamén coa participación dos bailarins de Colectivo Glovo.

Badaladas por mulleres é un medio para visibilizar un traballo moito mais longo e profundo: Segundo palabras de Branca Villares: "Levamos tres cursos (este é o cuarto ano) realizando labores de revisión e discusión en aulas do noso cancioneiro tradicional e popular, detectando e discutindo os aspectos que poden supoñer apoloxía da violencia contra as mulleres ou que dalgún xeito contribúen a perpetuala e a normalizala."

Este proceso constou de numerosas sesións de posta en común e discusión co alumnado de canto tradicional, e intervencións
culturais posteriores en distintos espazos públicos, centros de ensino, locais socioculturais e diferentes contextos.

Un traballo colectivo de mais de 60 mulleres ( e algúns homes tamén) que propón unha revisión do cancioneiro tradicional e popular, para reflexionar sobre os aspectos que poden supoñer apoloxía da violencia contra as mulleres .

O venres 27 Novembro ás 20.30 horas Branca Villares realizará a ponencia "O pouso da violencia contra as mulleres no cancioneiro" no Vello Cárcere de Lugo.

Retransmisión Xornadas Tradición en Feminino - AGG

Varios / 20.11.20

 

cartazA Asociación de Gaiteiras Galegas organiza o vindeiro domingo 22 de novembro a xornada Tradición en Feminino onde compartiremos experiencias conversando con #MaruxadosRosales, aprenderemos como se fai unha recolla a través dun obradoiro práctico con Xulia Feixoo, afondaremos na tradición dende unha perspectiva de xénero no relatorio que dará
Mercedes Peón
e no coloquio que terá lugar posteriormente no que intervirán
Xulia Feixoo
, Mercedes Peón,
Noemi Basanta Llanes
e que estará moderado por
Marina Vigo
.
Con este encontro, que será retransmitido en liña a través da nosa páxina de facebook
https://www.facebook.com/aggtradiciongalega, dende a #AGG queremos reivindicar o enorme e imprescindible papel que tivo e ten a muller para a preservación e transmisión da nosa riqueza cultural.

PROGRAMA:
10.45 - Apertura
11.00 – “Conversa con Eclíptica Orbita, ‘Maruxa dos Rosales’ ”.
12.10 – Descanso
12.30 – Obradoiro “Mulleres que contan. Obradoiro de recolla e posta en valor da música de tradición oral”. Xulia Feixoo

16.00 – Relatorio “Tradicionalmente sen xénero”. Mercedes Peón
17.10 – Descanso
17.30 – Coloquio “Perspectivas de xénero sobre a música tradicional”. Interveñen: Xulia Feixoo, Mercedes Peón e Noemí Basanta. Modera Marina F. Vigo

Este encontro realízase ao abeiro das axudas para actividades culturais de Cultura da Deputación da Coruña e coa participación do Concello de Rianxo.
#aculturasegue #musicatradicional #tradicion #enfeminino #gaiteirosgalegos #gaiteirasgalegas #agg


 

O vindeiro Recuncho da palleta estará adicado a Roxelio de Leonardo Bouza

Varios / 20.11.20

lumepalleiraEste domingo, o "Recuncho da Palleta" do programa "Lume na Palleira" conducido por Emilio Españadero, contará con Xaime Estévez que nos falará de Roxelio de Leonardo Bouza, un dos compositores para música de gaita máis renovadores do século XX.

O cedeirense Roxelio de Leonardo Bouza(1903-1980) foi un dos compositores para música de gaita máis renovadores do século XX , ducias de gravacións e agrupacións como Muxicas, Xiada , Manxadoira, Robaleira,Noitarega ou Albaroque inclúen as súas obras nos seus repertorios.

A súa relación co gaiteiro Emilio Corral e o Artesán Antón Corral foron esenciais para difundir a súa obra que segue a ser utilizada neste século por novos grupos e formatos. Obras súas como Abrente en Cordobelas ou Fandango Muradán ou Lembranzas da vila de Ortegán forman parte do repertorio de moitos gaiteiros, incluido Ricardo Portela.

O seu xeito compositivo ten un selo moi especial, de todo isto falaremos no próximo recuncho no que trataremos tamén a curiosidade do Septimino de gaitas da súa autoría e que grazas a Antón Corral foi gravado  polo grupo didáctico da Universidade popular de Vigo en 1987  anque editaríase  trinta anos despois acompañando ao monográfico deste mestre editado pola editorial Canela.

Un recuncho moi especial onde redescubriremos a un dos compositores galegos para gaita máis sobresaintes da historia recente. Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Xornadas :Tradición en Feminino - AGG

Varios / 17.11.20

cartazA Asociación de Gaiteiras Galegas organiza o vindeiro domingo 22 de novembro, un encontro coa tradición.

Unha xornada lúdica onde compartiremos experiencias conversando con #MaruxadosRosales, aprenderemos como se fai unha recolla a través dun obradoiro práctico con Xulia Feixoo, afondaremos na tradición dende unha perspectiva de xénero, no relatorio que dará
Mercedes Peón
e no coloquio que terá lugar posteriormente no que intervirán
Xulia Feixoo
, Mercedes Peón,
Noemi Basanta Llanes
e
Marina Vigo
.

Con este encontro, levado a cabo ao abeiro das axudas para actividades culturais da
Cultura da Deputación da Coruña
, e coa participación do
Concello de Rianxo
, dende a #AGG queremos reivindicar o enorme e imprescindible papel que tivo e ten a muller para a preservación e transmisión da nosa riqueza cultural.
Aforo limitado. (Imprescindible a inscrición previa).
Máis información: 986 84 70 74 - 982 22 99 66 - Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 

A AGG reclama un protocolo propio que regule as escolas de baile e música tradicional

Varios / 13.11.20

novo logo agg peq 2Dende a Asociación de Gaiteiras Galegas recoñecemos a necesidade de primar a saúde por riba de calquera presión económica. Dito isto, a propia OMS indica que a saúde é “un estado de completo benestar físico, mental e social, e non soamente a ausencia de afeccións ou enfermidades”. Os beneficios na sociedade do sector da música e o baile tradicionais fan del, polo tanto, unha actividade esencial. Como pode ser, entón, que sufra semellante abandono por parte da Consellería de Cultura, Educación e Universidade?

O DOG do 4 de novembro, nº 223/bis deixa na man dos concellos, como responsables da saúde dos seus habitantes, a decisión de pechar ou non os locais públicos. É aquí onde comeza a problemática: por un lado, gran parte das mestras e mestres de baile e música tradicionais son traballadoras legais (xa sexan autónomas ou empregados dunha escola); por outro, os locais onde exercen a súa actividade son en meirande medida públicos, cedidos polos propios concellos, escolas ou outras entidades. Na actual regulación esta casuística non se contempla. As categorías nas que podemos asumir a docencia do baile e a música son os centros privados de ensinanza non regrada (pola actividade realizada) e os centros socioculturais (polo lugar de traballo). Os concellos, en moitas ocasións, deciden ante a falta de claridade na normativa tomar a decisión máis restritiva: pechar os locais públicos.

As esixencias son claras: un protocolo específico para as escolas de música e baile tradicionais nos que se aclare en que condicións podemos seguir operando. Reclamamos que se recoñeza tanto a importancia do sector como a exemplaridade na acatación das medidas preventivas, e que estas se regulen en función da singularidade inherente ó mesmo.

 

Par

O toque pechado na gaita galega, arredor dxs gaiteirxs actuais no vindeiro Recuncho da Palleta

Varios / 13.11.20

lumepalleiraEste domingo, o "Recuncho da Palleta" do programa "Lume na Palleira" conducido por Emilio Españadero, contará con Guillerme Inácio que nos traerá a terceira e última entrega adicada ao toque pechado na gaita galega, desta vez arredor dxs gaiteirxs actuais. (1990-2010).

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Xornadas de frauta (EN LIÑA)

AGG / 07.11.20

xfrauta webA Asociación de Gaiteiras Galegas (AGG) organiza o vindeiro sábado 14 de novembro, unhas novas xornadas, nesta ocasión centradas na frauta e as cales se poderán ver en liña.

Nelas contaremos con relatorios de investigación que abordarán aspectos como “A frauta travesa na música tradicional e folk da Galiza” da man de Uxía García ou “A requinta de Avelino Figueroa” con Sabela Galbán, e nas que para o peche contaremos co concerto “O cantar dos frautares” con Xosé Liz.

Con estas “Xornadas de Frauta” (en liña), levadas a cabo ao abeiro das axudas para actividades culturais da Deputación de A Coruña, e coa participación da Fundación Rosalía de Castro, dende a AGG buscamos amosar a riqueza existente na cultura tradicional galega e incidir na gran importancia que teñen os traballos de investigación para poder coñecer, preservar e transmitir as nosas tradicións.

PROGRAMA:

11.00 - Relatorio I: “A frauta travesa na música tradicional e folk da Galiza. Tipoloxías e utilizacións”. Uxía García

12.15 - Relatorio II: “A REQUINTA DE AVELINO FIGUEROA. Catalogación, ficha técnica e proceso de construción”. Sabela Galbán

16.00 – Concerto: “O cantar dos frautares”. Xosé Liz

LUGAR: EN LIÑA
DATA: Sábado 14 de novembro de 2020

Máis información: 986 84 70 74 - 982 22 99 66 Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  

Páxina 1 de 420