Asociacion de Gaiteiros Galegos

Gaiteiros galegos
Inicio / Novas

Novas

O Recuncho da Palleta deste domingo estará adicado a lembranza de Xosé Domingos Fuciños Gómez (Mingos de Pita)

Varios / 22.09.17

lume palleira_15anosO Recuncho da Palleta deste domingo estará adicado a lembranza de Xosé Domingos Fuciños Gómez (Mingos de Pita), socio fundador da AGG e que foi unha figura clave nos inicios da nosa Asociación.

Mingos participou, xunto con outros gaiteiros e artesáns da súa xeración, nas primeiras xuntanzas que se levaron a cabo en Ortigueira e Melide, cunha común preocupación que era defender e dignificar a figura do noso instrumento nacional, a gaita, e por suposto a figura do gaiteiro.

Da man de Vítor Otero, e coa intervención de Xaneco Tubío e outras persoas achegadas á súa figura, lembrarán a inmensa traxectoria e os numerosos traballos deste activista cultural melidense.

Lembrade o domingo ás 17.00 horas!!!!

A AGG na presentación da Revista do L Concurso de Gaitas do Pais de Ponteareas

Varios / 22.09.17

presentacin revista ponteareasJose Francisco Gil Dopazo, membro da xunta directiva da Asociación de Gaiteir@s Galeg@s asistiu onte á presentación da revista conmemorativa do L Concurso de Gaitas do País que tivo lugar no auditorio municipal de Ponteareas. A AGG partipa nesta revista co artigo "Cincuenta anos e cincuenta máis". Esta revista consta con máis de 60 páxinas de artigos relacionados coa música, a gaita, a composición, a artesanía dos instrumentos e moitos máis textos que recollen a historia e a actualidade da música tradicional da gaita.

A ASOCIACIÓN DE GAITEIR@S GALEG@S (AGG) ORGANIZA A XIX MOSTRA DE MÚSICA TRADICIONAL DO DOMINGO DAS MOZAS (LUGO)

Varios / 21.09.17

domingodasmozas2017 web pqA Asociación de Gaiteir@s Galeg@s organiza de novo a que será a XIX edición da Mostra de Música Tradicional do Domingo das Mozas, mostra que terá lugar o vindeiro 8 de outubro e que contará coas actuacións de 14 grupos de música tradicional galega, que encherán da nosa música o casco vello da cidade de Lugo no día máis emblemático das festas do San Froilán.

Os grupos participantes na mostra actuarán en horario de mañá e de tarde en distintas portas da muralla, prazas e rúas, de tal maneira que toda a xente que entre na cidade, sexa recibido co son da nosa musica tradicional.

Os grupos participantes son os seguintes:

A Volta do Agro (Lugo)

Axeigo (Lugo)

Caivanca (Lugo)

Donaire (A Coruña)

Estiño (Allariz)

Folquiada (Lugo)

Os Melidaos (Melide)

Os Sin Son Ghaiteiros (Deza)

Os Terribles de Donas (Val Miñor)

Raigames (Vigo)

Reviravolta (Lugo)

Ultreia (Santiago de Compostela)

Xaora  (Lugo)

Xaramolo (A Mariña)

Pola mañá os 14 grupos sairán dende a Praza Maior horas facendo un pasarrúas polas distintas rúas do centro urbán amurallado e pola tarde repetiranse as actuacións a partir das 17.30 horas.

Esta mostra, na que a Asociación de Gaiteir@s Galeg@s xunta ano tras ano aos mellores grupos de música tradicional de Galicia, ten como finalidade a exaltación da música tradicional galega servindo como medio de difusión para que a nosa música chegue ao maior número de xente posible.

É a única mostra deste tipo que se fai nunhas festas patronais e consegue que Lugo sexa referencia en toda Galicia, pois demostra que a nosa música tradicional pode ser a protagonista da festa na rúa.

O Recuncho da Palleta deste domingo estará adicado a lembranza de Antón Varela

Varios / 15.09.17

lume na palleiraO Recuncho da Palleta deste domingo estará adicado a lembranza de Antón Varela, gaiteiro e artesán ferrolá que faceleu este verán.

Da man de dous dos seus compañeiros, Xán Rodríguez Silvar e Ramón Dopico, farán un pequeno recorrido polas distintas facetas de Antón, membro dos míticos Raparigos dende os anos 80, gaiteiro dos Cempés e Berros do Castro ata o seu último traballo como solista con Carlos Beceiro publicado este mesmo ano, tratando tamén a sua importante labor como artesán de gaitas.

Lembrade o domingo ás 17.00 horas!!!!

A Volta do Agro actuará na XX Recolleita da sala Clavicémbalo

Varios / 14.09.17

recolleita 2017 2O vindeiro venres día 15 de setembro ás 23:30 o grupo de música e canto tradicional A Volta do Agro (Lugo) actuará un ano máis na sala Clavicémbalo (Rúa dos Paxariños 23- Lugo) dentro da programación da XX Recolleita. Será unha noite para gozar da música e do baile tradicional, mais tamén de colaboración solidaria, xa que o recadado na billetería será doado integramente á Sociedade Protectora de Animais de Lugo. O custo da entrada será de tan só 3 euros. Animádevos!!!

A TRADESCOLA INCORPORA A SUSO VAAMONDE NO SEU CUADRO DOCENTE PARA IMPARTIR A MATERIA DE ZANFONA

Varios / 11.09.17

suso vaamondeA TRADESCOLA, o centro de ensino da música, do canto e do baile tradicional galego xestionado pola Asociación de Gaiteiros Galegos en Lugo ven de incorporar no seu cuadro docente a Suso Vaamonde, recoñecido profesional que conta cun dilatado currículo, como músico e como docente, no eido da música tradicional galega.

A Tradescola mantén aberta estos días a matrícula para o vindeiro curso nas aulas de gaita, zanfona, acordeón, baile tradicional, canto e pandeireta, pandeira, percusión, requinta, e linguaxe musical ademais de aulas específicas para os máis pequenos. A matrícula permanecerá aberta en horario de 12.00 a 14.00 e de 16.00 a 19.00 horas ata o 22 de setembro nos seus locais na Rúa Pintor Corredoira nº 4 de Lugo.(Centro Lug2)

A TRADESCOLA conta no seu equipo docente con 10 dos mellores mestres no eido da música e do baile tradicional. Os mestres e mestras implicados neste proxecto educativo son: Bruno Villamor, Mª Carmen Saborido, Paula Fdez. Rodríguez, Xabier Iglesias, Cristina de Pardo Castro, Jose Manuel López, Branca Villares, Roberto Rodríguez, Suso Vaamonde e Miguel Anxo López Buján.

A Tradescola segue traballando día a día na busca de xeitos de mellora para acadar os seus obxectivos finais, promocionar e transmitir a música, o canto, o baile e outras tradicións culturais galegas apostando sempre pola educación como un dos piares fundamentais para a conservación, coñecemento e divulgación da nosa música.

Froito deste traballo, ven de ampliar no pasado curso o seu proxecto educativo coa posta en marcha dun novo itinerario profesional que terá como finalidade proporcionar ao alumnado unha formación coa que garantir a cualificación dos futuros profesionais que serán quen de continuar coa transmisión e exposición do noso patrimonio. Este itinerario impartirase paralelamente ás aulas xa existentes, que continuarán como en anos anteriores acollendo a preto de 300 alumnos.

Pasamento de Xosé Domingos Fuciños Gómez (Mingos de Pita)

Varios / 05.09.17

p1010062Hoxe temos que informar dunha triste nova, na AGG sentimos fondamente a perda dun bo e xeneroso, un membro destacado e ben querido do mundo da cultura tradicional, como era D. Xosé Domingos Fuciños Gómez (Mingos de Pita), socio fundador da AGG e que foi unha figura clave nos inicios da nosa Asociación.

Mingos participou, xunto con outros gaiteiros e artesáns da súa xeración, nas primeiras xuntanzas que se levaron a cabo en Ortigueira e Melide, cunha común preocupación que era defender e dignificar a figura do noso instrumento nacional, a gaita, e por suposto a figura do gaiteiro.

Nestas xuntanzas viron a necesidade de crear unha asociación de ámbito galego que defendese as nosas tradicións, e así estas reunións convertéronse no xermolo do que é hoxe en día a nosa asociación.

Queremos agradecerlle a Mingos o labor desenvolvido ao longo dos anos pola nosa cultura, apoiando sempre á AGG, en favor da defensa, divulgación e dignificación da nosa música tradicional.

Dende aquí tamén queremos facerlles chegar o noso máis sentido pésame á familia e amigos.

O funeral por Xosé Domingos Fuciños Gómez (Mingos de Pita) terá lugar mañá Mércores, día 6 de Setembro ás 5,30 do serán na Igrexa Parroquial de Melide e Cemiterio Municipal de Melide. (Castelo)

Lar funerario:Velorio Municipal de Melide. Sala nº 1.

 

Que a terra che sexa leve, DEP

V Xornadas arredor da música tradicional

AGG / 31.08.17

v xornadas musica 2 - webO vindeiro 16 de setembro terá lugar na Casa da Gaita as V Xornadas arredor da Música tradicional organizadas pola AGG. Unha cita ineludible, non só para todas aquelas persoas que traballan no entorno da música tradicional, senón tamén para todos e todas aquelas que queirades saber máis tanto das nosas tradicións, como das de outros lugares, xa que ao igual que nas pasadas, nesta quinta edición botaremos unha ollada cara outras formas da cultura tradicional, creando un punto de encontro no que profundar e incidir na importancia que teñen os traballos de investigación realizados neste campo como fonte de sabedoría para poder coñecer, conservar e transmitir as tradicións.
A través de actividades como esta, pretendemos non só difundir a cultura tradicional, senón que ademais queremos fomentar este tipo de encontros, que consideramos imprescindibles, xa que se amosa a riqueza cultural dunha maneira aberta, chea de contidos e na que se pode participar de xeito activo nos diversos relatorios, contribuíndo e potenciando deste xeito a divulgación da cultura e a súa conservación.

A asistencia a estas xornadas será de balde. Por motivos de aforo, para poder asistir é imprescindible a inscrición previa ben a través de correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ben a través de teléfono nos números 986 847 074 – 982 229 966.

PROGRAMA DAS V XORNADAS ARREDOR DA MÚSICA TRADICIONAL
10.00 – Apertura e entrega de documentación
10.15 – Relatorio I
            “A Galicia proxectada por NO-DO a partir do uso do folclore musical (1943-1981)”. Beatriz Busto
            11.15   Quenda de preguntas
11.25 – Relatorio II
            “Os Veiga e Os Pacheco: dous cuartetos mindonienses". Xiana Teixeiro
            12.15   Quenda de preguntas
12.25 - Descanso
12.45 – Relatorio III
            “Aproximación aos recursos e á técnica interpretativa do toque pechado de Ricardo Portela". Óscar Ibáñez
            13.35   Quenda de preguntas
13.45 – Xantar
16.30 – Relatorio IV
            “O Ciclo Festivo Na Paradanta”. Xerardo F. Santomé
            17.20   Quenda de preguntas
17.30 - Presentacións de publicacións:  “Método de tambor galego”. Andrés Vilán
17.50 – Descanso
18.00 – Relatorio V
            “ Os rexistros galegos de Alan Lomax (1952): Unha fonte para o estudo da música de tradición oral”. Lucía Comesaña
            18.50   Quenda de preguntas
19.00 - Presentacións de publicacións: “Cantigas de Taberna”. Alexandre Cadarso
19.15 – Relatorio VI
            “A formación do repertorio musical da gaita asturiana". Alfonso Fernández.
            20.05   Quenda de preguntas
20.15 – Peche

Concerto de Os Minhotos en Moaña

Varios / 25.08.17

var con vO grupo Os Minhotos achegarase o vindeiro día 2 de setembro ata Moaña para ofrecer un concerto no Var con Uve ás 22.30 horas. Este concerto abrirá a programación de setembro, que continuará posteriormente cos Cantadores Tradicionais o domingo 3 de setembro (12.30 Horas), Tanxugueiras o día 9 (22.30 horas) e Fiandola o domingo 10 de setembro ás 12.30 horas. 

Non os perdades!!

XII Festa da pandeira Piornedo

Varios / 25.08.17

 

festa da pandeiraA Asociación Cultural o Teixeiro organiza a XII Festa da pandeira que terá lugar mañá sábado 26 de agosto de 2017 en Piornedo e na que se darán cita tocadoras de Lugo, Asturias e Castela e León.

Contarán co seguinte programa:

 11.30h. Obradoiro de baile con pandeira. Imparte Xabier Iglesias Castro. De balde

· 13.00h. Acollida. Chegada das tocadoras e colaboradoras a Piornedo dende os seus lugares de residencia

· 14.00h. Xantar homenaxe, para reforzar lazos de fraternidade. Escola de Piornedo

· 16.00h. Charla-coloquio sobre a pandeira. Asistencia libre. A cargo de Rafael Busto (Ponferrada) e Xermán Muiños (Santiago de Compostela), coa participación das tocadoras que o desexen·

. 17.00h. Actuacións das tocadoras e grupos participantes. Quintario das ovellas de Piornedo

· 20.00h. Interpretacións espontáneas por parte do público que queira sumarse

· 22.00h. Polavila. Música e baile nocturno na escola de Piornedo

Mais información en: https://festadapandeira.wordpress.com/

Non faltedes!!

Páxina 1 de 381