Asociacion de Gaiteiros Galegos

Gaiteiros galegos
Inicio / Novas

Novas

Pesar pola morte do gaiteiro Vilariño

Varios / 23.11.17

edmundo vilarioHoxe vimos de enterarnos dunha triste nova, faleceu Vilariño, gaiteiro de Cantigas da Terra e o derradeiro integrante dunha formación que os gaiteiros recoñecen pola súa contribución a música tradicional do país, Os Cinco de Galicia.

Edmundo Vilariño comezou tocando o clarinete na banda popular do seu pobo, Muimenta, pero sería no servizo militar onde se especializaría no instrumento que lle deu a súa sona ao integrar a banda de gaitas de Infantería na Coruña.

No ano 1953 chega ao coro galego Cántigas da Terra, unha formación a que permanecerá ligado ata os oitenta, agás os seis anos que pasa emigrado en Alemaña. É a volta tamén cando monta un bar no barrio coruñés da Sagrada Familia, onde eran célebres as foliadas todos os sábados. A principios dos noventa foi contratado polo Igaem como gaiteiro do ballet Rey de Viana, onde se xubilaría. Ao redor dos sesenta é cando entrara a formar parte do grupo de gaitas Os Cinco de Galicia, liderado por Leonardo Corral Vázquez, que foi a ampliación dunha formación anterior, Os Catro de Galicia, que nacera coa idea de que os integrantes representasen as provincias galegas, sendo a formación máis estable de Os Cinco de Galicia a formada polos gaiteiros Leonardo Corral, Xesús Vázquez Pedrares, Edmundo Vilariño; X. Luís Corral ao tamboril e Arturo Mato O Garceiras ao bombo.

«Non había festa na contorna na que non estiveran», comentaba Pepe Taboada nunha entrevista con motivo da homenaxe que lle fixeron a Vilariño no Toniño Espiñeira hai un par de anos, e remarcaba nesa mesma entrevista, que Vilariño «era moi habilidoso, moi bo gaiteiro, pero mellor persoa». Aínda que os compañeiros foron desapareceron, el continuou, con novas incorporacións, mantendo vivo o nome da formación.

A capela ardente atópase no tanatorio LENDOIRO, en Tabeaio (Carral - A Coruña) ata a tarde de mañá as 16.30h que sairá para recibir sepultura na igrexa de Figueroa (Abegondo).

Dende a AGG queremos expresar o noso pesar pola súa perda.

Que a terra lle sexa leve.

2ª Edición das xornadas culturais "A Gaita no Mar"

AGG / 22.11.17

cartaz gaitamar-2017_peqO vindeiro domingo 03 de decembro teremos o placer de celebrar as unha nova edición das Xornadas A Gaita no Mar, coas que queremos recoñecer a gran contribución que fixeron moitos mariñeiros galegos no espallamento polo mundo da nosa música tradicional ao son do noso instrumento mais representativo. Coma en tódolos gremios, no dos mariñeiros tamén había gaiteiros e moi ben considerados polo resto dos seus compañeiros, pois entre a súa equipaxe sempre viaxaba unha gaita. O que estes mariñeiros gaiteiros conseguían coa súa gaita, non só era que os seus compañeiros e eles mesmos desfrutasen da nosa música tradicional naquelas longas viaxes fora do seu fogar, senon que o que estes mariñeiros acadaron foi moito mais, eles levaron a música tradicional galega polo mundo adiante a través do mar, sobre os barcos, entre as redes, aos portos doutras latitudes,… Convertendo ao mar, en algo mais que nunha reserva de peixe, ou nunha ruta comercial.

Foron estas xentes do mar, coas súas tradicións e o seu saber-facer que o cabo dos séculos foi deixando por todo o mundo, pegadas do noso devir, da nosa fala, da nosa cultura e por suposto, da nosa música.

Para coñecer esta realidade máis de preto dende Asociación de Gaiteir@s Galeg@s organizamos o vindeiro sábado 03 de decembro pola maña unha nova edición da Xornada: "A Gaita no Mar", que nesta ocasión terá lugar no Concello de Rianxo.

Estamos pechando o programa, así que estade atentos que en breve publicaremos todos os detalles.

O Tamborileiro Técnico no Recuncho da Palleta deste domingo

Lume na Palleira / 17.11.17

 lumepalleiraEste domingo, no Recuncho da Palleta contaremos con Gustavo Couto que virá acompañado de Marcos Pérez Saburido "Kinhos" para presentarnos o seu traballo "O Tamborileiro Técnico Vol.1", editado por A Píntega Marela.

Non te perdas, esta nova emisión de Lume na Palleira, o domingo as 17:00 horas, e participa no sorteo de 2 exemplares.

Novo disco editado polo APOI no Recuncho da Palleta

AGG / 10.11.17

lumepalleiraEste domingo no Recuncho da Palleta estaremos con con Vítor Otero e Sergio de la Ossa, que nos van a presentar o disco "Dispostas Para Cantare - Escolma Dos Fondos Musicais do Arquivo do Patrimonio Oral da Identidade".

Non te perdas, esta nova emisión do Recuncho dentro do programa Lume na Palleira, o domingo as 17:00 horas.

A Asociación de Gaiteir@s Galeg@s organiza a vindeira fin de semana no Concello de Narón, unhas xornadas de percusión

AGG / 09.11.17

 cartaz xpercusion2017_webA Asociación de Gaiteir@s Galeg@s organiza o vindeiro sábado 18 de novembro de 2017, unhas Xornadas de Percusión Tradicional, que terán lugar no Café Teatro do Pazo da Cultura de Narón.
Estas xornadas están subvencionadas pola Deputación de A Coruña, e contan coa colaboración do Padroado da Cultura de Narón.
XORNADAS DE PERCUSIÓN
No seu afán de abarcar todos os ámbitos da música tradicional, a AGG organiza un ano mais estas xornadas sobre Percusión Tradicional que nesta ocasión terá de protagonista á percusión de man.
Contaremos con obradoiros a cargo de profesionais no mundo da percusión como Xulia Feixoo e Guillerme Ignacio que impartirán un obradoiro teórico-práctico sobre o pandeiro cadrado na Galiza, Xermán Muiños cun obradoiro de pandeira e Fransy González que nos amosará os toques de pandeireta e o canto en Bergantiños. E como novidade, este ano estas xornadas servirán tamén de marco para acoller a presentación do novo traballo “O Tamborileiro Técnico”, que será presentado en primicia polo seu autor Marcos Saburido “Kinhos” que virá acompañado por Juan Luna, director da Escola de Música Tradicional Galega A Píntega Marela, responsable da edición do libro.
Os obxectivos destos obradoiros son:
Aprender bases técnicas destes instrumentos e as prácticas tradicionais que chegaron aos nosos días.
Crear un punto de encontro para poñer en contacto e establecer unha continua comunicación entre aquelas persoas relacionadas co mundo da percusión tradicional galega.
Estudar as formas e usos destes instrumentos de percusión dentro da música tradicional galega e as súas variantes locais.
Divulgar estos instrumentos e promover o seu coñecemento.
PROGRAMA
10.00 – Apertura e entrega de documentación
10.10 – Obradoiro I: “O pandeiro cadrado na Galiza”. Xulia Feijoo e Guillerme Ignacio
13.10 – Descanso
13.20 -    Presentacións de publicacións:  “O tamborileiro técnico”. Juan Luna e Marcos Pérez “Kinhos”
14.00 – Xantar
16.15 – Obradoiro II: “Achegamento á pandeira en Galicia: ritmos, xeitos e tonos”. Xermán Muiños
18.15 – Descanso
18.30 – Obradoiro III: “Pandeireta e canto en Bergantiños”. Fransy González
20.30 – Peche
INSCRICIÓNS:
Estas xornadas son de balde previa inscrición.
As inscricións deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo   indicando nome, apelidos e un teléfono de contacto.
@s alumn@s deberán levar os seus instrumentos para os obradoiros.
As prazas son limitadas por orde de inscrición.
Para máis información e reservas: Asociación de Gaiteir@s Galeg@s 986847074/982229966

A FEDERACIÓN GALEGA DE BANDAS DE MÚSICA POPULARES E A ASOCIACIÓN DE GAITEIR@S GALEG@S ASINAN UN CONVENIO DE COLABORACIÓN

Varios / 07.11.17

 

 dsc0004D. Armando Morales Blanco, presidente da Federación Galega de Bandas de Música Populares, e D. Xoan Manuel Tubío Fdez. presidente da Asociación De Gaiteir@s Galeg@s asinaron no día de hoxe un Convenio de colaboración que ten por obxecto o fomento, difusión e realización de actividades relacionadas coa música, o canto e o baile tradicional, posibilitando as actuacións das dúas entidades en asesoramento e intercambios de coñecementos, destacando que se trata da primeira iniciativa conxunta deste calado a nivel galego, dende a fundación de ambas institucións.

A Federación Galega de Bandas de Música Populares (FGBMP) é unha unidade asociativa creada en 1985 para dar resposta ás necesidades comúns das bandas galegas.

En torno a ela concéntranse 92 bandas populares e máis de 7.000 músicos e músicas. A FGBMP actúa como centro para o desenvolvemento e administración de información, promoción educativa e divulgativa da labor das bandas, así como de organización de cursos, festivais, certames ou intercambios entre bandas de características similares, tanto galegas coma estranxeiras.

Pola súa banda a Asociación de Gaiteir@s Galeg@s (AGG) é unha entidade sen ánimo de lucro, con presenza nas catro provincias galegas a través dos seus preto de 800 asociados, que leva mais de 25 anos traballando ininterrompidamente en prol da cultura tradicional galega. Dende os seus comezos, un dos maiores obxectivos da AGG foi o de promocionar e divulgar a música tradicional galega, para o que ven levando a cabo, dende entón e de forma ininterrompida ata actualidade, actividades e traballos en prol da defensa, conservación e dinamización das nosas tradicións; sen deixar de medrar tanto na cantidade como na calidade das iniciativas culturais que desenvolve. dsc0008

Tanto a Federación Galega de Bandas de Música Populares como a Asociación De Gaiteir@s Galeg@s teñen obxectivos comúns e complementarios nas súas áreas de traballo e aglutinan a miles de persoas relacionadas coa música.

Coa sinatura deste convenio suman esforzos para establecer camiños de actuación que favorezan e incrementen o beneficio mutuo, permitindo un aproveitamento dos recursos máis óptimo e unha cooperación activa no desenvolvemento de temas de interese común, que fará que se visualice a verdadeira dimensión do movemento asociativo musical.

Presentación do Método de tambor galego de Andrés Vilan no Recuncho da Palleta

Varios / 03.11.17

lume na palleiraDentro do programa Lume na Palleira, no Recuncho da Palleta do vindeiro domingo Gustavo Couto estará acompañado de Andrés Vilán que presentará o seu “Método de tambor galego”

Non te perdas, esta nova emisión de Lume na Palleira, o domingo as 17:00 horas.

“XORNADAS CAMPÁS E CAMPANEIROS” - Os Chichisos

Varios / 03.11.17

campas e campaneirosOs Chichisos organizan por 10º ano as “XORNADAS CAMPÁS E CAMPANEIROS”este ano 2017 na igrexa de San Fins de Anllóns, concello de Ponteceso, A Coruña. Con elo queren seguir dando a coñecer este PATRIMONIO SONORO cunha demostración de tódolos toques tradicionais que a través das campás se producen, tales como avisos de parto, mortes, chamadas a misa, avisos de incendios, etc. e inventarialos.
+ INFO:

  • tf.676842942
  • facebook.com/Chichisos  - chichisos.wordpress.com



III festival de música tradicional A SENEIRA de BAIONA

Varios / 03.11.17

cartel festival 2017III festival de música tradicional organizado pola asociación cultural A SENEIRA de BAIONA, o vindeiro 4 de novembro ás 19.00 horas no Auditorio de Baiona. Participarán: Os Alegres (Pontevedra), escola de Danza Vila de Baiona, A seneira de Baiona, e Folk de Coiro de Vigo.

Non o perdades!!

Curso de folla, cana e castañeta

Varios / 03.11.17

curso manu hedrasO vindeiro día 12 de novembro, Manu "O Hedras" impartirá un curso de folla, cana e castañeta: construcción e manexo.

Lugar: Entidade Local Menor de Arcos da Condesa.

Horario: de 11 a 14 horas.

Máis info e inscrición: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 

Páxina 1 de 383