Varios
Os ciclos do Nadal no vindeiro Recuncho da Palleta
07.01.22
Este domingo, no "Recuncho da Palleta" do programa "Lume na Palleira" conducido por Emilio Españadero, é tempo de Nadal con Gustavo Couto.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas
A "I Homenaxe Á Tradición Do Val Miñor" no vindeiro Recuncho da Palleta
17.12.21
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Xaime Estévez e diversos convidados que nos presentarán a
"I Homenaxe Á Tradición Do Val Miñor", un festival que terá lugar o vindeiro 26 de decembro en Baiona, e que ten como fin principal dar a coñecer e poñer en valor o importante e singular patrimonio cultural da comarca do Val Miñor no relativo á Música tradicional.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
A Trompa Galega, protagonista do vindeiro Recuncho da Palleta
10.12.21
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Ramón Dopico que nos ofrecerá diversas gravacións editadas, coa trompa galega como protagonista!!
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
ADIADA a I Homenaxe á tradición do Val Miñor, en Baiona
10.12.21
LAMENTAMOS INFORMAR QUE ESTE ACTO QUEDA APRAZADO "SINE DÍE"
Os Terribles de Donas organiza o vindeiro 26 de decembro ás 18.30 horas a I Homenaxe á tradición do Val Miñor, un encontro coa música galega da comarca no que tamén colaboramos a Asociación de Gaiteirxs Galegxs - AGG e que terá lugar no Auditorio V Centenario de Baiona.
Na homenaxe participarán os grupos a Seneira, Pandereteiras Monteboi, Os Terribles de Donas, Cantares do Brión, A.F. Santa Baia de Donas, A.C. Breogán Val Miñor , Tradisón, Os Carunchos e Novos Galiños de Belesar!!
A entrada é de balde ata completar aforo, e previamente, ás 18.00 horas terá lugar un pasarrúas dende a Praza do Concello de Baiona!!!
No faltes!! Viva a Tradición do Val Miñor!!!!
Os Estrobos de Ferrol no Recuncho da Palleta deste domingo
03.12.21
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Ramón Dopico lembrando o son dos Estrobos de Ferrol a través do disco que gravaron en 1980 e cando se cumpren os 45 anos da formación
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
Xornadas de baile tradicional da AGG - 12 decembro - Vedra
01.12.21
A AGG organiza o domingo 12 de decembro, unha nova edición de xornadas de baile tradicional. Nelas contaremos con relatorios-obradoiros guiados por Montse Rivera, Pichi Abollado, David A. Cárcamo “Oumaña” e Denise Silva.
Os obradoiros destas xornadas, subvencionadas pola Deputación de A Coruña e coa colaboración do Concello de Vedra, están pensadas tanto para os profesionais do mundo da danza, como para todos aqueles interesados no baile tradicional, para que poidan completar os seus coñecementos e participar de xeito activo na mellora e dinamización da nosa tradición.
PROGRAMA:
10.15 - Apertura
10.30 – Relatorio - Obradoiro I: “O bailar na Limia e a Baixa Limia, muiñeira e xota” - Montse Rivera
12.00 – Descanso
12.15 - Relatorio – Obradoiro II: “Unha achega ó baile solto en Ameixenda de Cee” - Pichi Abollado.
13.45 – Remate sesión da mañá
16.30 - Relatorio – Obradoiro III: “O baile no Val de Ancares e arredores” - David A. Cárcamo “Oumaña” e Denise Silva
DATA: Domingo 12 de novembro
LUGAR: Nave da Estación do Tren de Santa Cruz de Ribadulla, en Vedra.
INSCRICIÓNS (*): Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.
* Os obradoiros son de balde e as prazas limitadas, tendo preferencia @s soci@s da AGG, que disporán ata o domingo 5 para inscribirse, e partir desa data si quedan prazas dispoñibles, cubriranse coas solicitudes de inscrición de non soci@s, por orde de chegada.
A celebración das xornadas levarase a cabo cumprindo todas a medidas de seguridade necesarias por mor da COVID-19.
A través de actividades como esta, pretendemos non só difundir a cultura tradicional, senón que ademais queremos fomentar este tipo de encontros, que consideramos imprescindibles, xa que se amosa a riqueza cultural dunha maneira aberta, chea de contidos e na que se pode participar de xeito activo, contribuíndo e potenciando deste xeito a divulgación da cultura e a súa conservación.
A ASOCIACIÓN DE GAITEIRAS GALEGAS ORGANIZA EN LUGO UNHA XORNADA SOBRE PERCUSIÓN TRADICIONAL
26.11.21
A AGG organiza o vindeiro domingo 28 de novembro, en colaboración coa área de cultura do Concello de Lugo, unhas Xornadas adicada á percusión tradicional, con obradoiros de pandeira, e toque de lata de pementón, ao que asistirán persoas chegadas de distintos lugares de Galicia.
Ás 16.00 horas, Branca Villares impartirá un obradoiro de pandeira, no que amosá a todos os asistentes, distintas técnicas e posibilidades deste instrumento tan caracteristico da comarca da montaña, así como repertorio característico desta zona.
As 18.00 horas, Roberto Rodríguez impartirá un obradoiro de iniciacion ao toque coa lata de pementón no que fará un achegamento inicial ao emprego da lata de pementón no repertorio de cantares para o baile solto e agarrado en Galicia.
A celebración das xornadas levarase a cabo cumprindo todas a medidas de seguridade necesarias por mor da COVID-19. A participación nas xornadas será de balde, previa reserva e ata completar aforo. Dende a AGG coidamos imprescindible e necesaria esta cita, xa que calquera cultura que queira gozar de boa saúde haberá de preocuparse de ter presenza na sociedade, e transmitir a súa historia e costumes.
Mulleres relevandes da nosa música tradicional no vindeiro Recuncho da Palleta
26.11.21
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Carme López Fernández que nos traerá un novo espazo no que, baixo o nome de referentAs, presentará a mulleres relevantes dentro da música de tradicional.
Este domingo comezaremos con dúas das voces máis recoñecibles das informantes galegas....
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
“ DO TRADI AO TRAP... BAILA MORENA” - Charla - Obradoiro de sensibilización contra a violencia de xénero a cargo de Branca Villares
24.11.21
A Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, organiza para mañá xoves 25 de Novembro ás 19.30 horas no Centrad (Lugo) unha actividade de sensibilización contra a violencia de xénero consistente na charla – concerto que leva por título “ DO TRADI AO TRAP... BAILA MORENA” que estará impartida por Branca Villares e que conta coa axuda da area de Cultura do Concello de Lugo.
Na música tradicional galega, un nutrido grupo de mulleres ten iniciado un proceso de revisión do noso cancioneiro popular. Querendo avanzar na igualdade e na loita contra as violencias, abordan dende o concreto do seu ámbito a seguinte cuestión: “sobre qué estamos a cantar?”
Determinadas mensaxes agresivas son moitas veces naturalizadas, cántanse toleradas coa aura doutro tempo. Ante a necesidade de entendelas no seu contexto, xorde tamén a dúbida sobre a pertinencia de seguirmos interpretando hoxe esas cantigas, lanzando esas mesmas mensaxes.
Este traballo vai polo seu cuarto ano de andaina, e o proceso de debate está a ser un valor en sí mesmo. Entender a historia das desigualdades que sufriron as mulleres que nos precederon a través dos cantos que delas aprendimos é unha lección de vida.
Branca Villares, mestra de música tradicional que ten iniciado co alumnado estes grupos de reflexión colectiva, plantéxase novos xeitos pra extender e propiciar o debate, visibilizar a problemática, e que outros ámbitos se poidan nutrir da experiencia destes grupos de mulleres.
Con mais de 15 anos de experiencia na docencia musical con rapaces e rapazas, Branca Villares plantexa trasladar este debate a toda a sociedade poñendo en valor o relato dos procesos de reflexión das mulleres da música galega e convidar á rapazada a confrontar os contidos dos seus referentes nas músicas urbanas actuais e a sua expresión nas redes. Teñen tamén o pouso da violencia contra as mulleres??
Artellando estes foros de interacción e cuestionamento en espazos tanxibles é onde podemos fomentar o espírito crítico, o consumo responsable ou a asertividade entre os nosos mozos e mozas.
Para esta ocasión, Branca Villares estará acompañada no seu relatorio por alumnado da Tradescola, concretamente por aulas de perfeccionamento de canto tradicional e de pandeira que poñerán a nota musical da actividade.
Esta actividade organízase co obxectivo de promover e facer visible o noso rexeitamento ante calquera tipo de violencia contra as mulleres.
O aforo é limitado, e accederase por orde de chegada.
"O Toque Pechado" no Recuncho da Palleta deste domingo
19.11.21
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto e a visita de Pablo Seoane para falarnos do seu libro "O Toque Pechado".
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
Páxina 10 de 265
