Asociacion de Gaiteiros Galegos

Gaiteiros galegos
Inicio / Novas / Varios

Varios

Concerto- presentación do libro-CD "O Gaiteiro de Santo Xusto" en Pontevedra

17.04.19

brunoO vindeiro día 3 de maio ás 20.00 horas terá lugar o concerto- presentación do libro-CD "O Gaiteiro de Santo Xusto" a cargo do seu autor Bruno Villamor, que interpretará en directo os temas da publicación. A cita será na Casa de Cultura do Lérez, na rúa Leandro del Río 12, Lerez, Pontevedra e está organizada polos Gaiteiros das Rias Baixas

   

Xornadas de acordeón en Lugo

17.04.19

 

cartaz xacordeon_web - copiaO vindeiro venres 3 de maio de 2019 terán lugar en Lugo as I Xornadas de Acordeón organizadas pola AGG. Estas xornadas, contarán cun obradoiro impartido por Stéphanie Simon, especialista en mecánica, reparación e afinación de acordeóns, considerada unha das figuras máis respetadas dentro do mundo do acordeón.

No curso, Stéphanie amosará os aspectos básicos sobre o funcionamiento do acordeón, a mecánica deste, como abordar pequenos problemas técnicos, o traballo coa cera e a afinación das palletas. (As prazas para asistir a este obradoiro xa están cubertas)

Ao remate do obradoiro chegará a quenda do gran Xurxo Souto, que nos achegará  Historias do acordeón falándonos de mestres acordeonistas como Pazos de Merexo ou Sindo de Olelas. (charla aberta para todo o público)

Sen dúbida unha interesantísima tarde para tod@s @s interesados no mundo do acordeón, e un encontro de interese para @s que queiran saber máis sobre este instrumento e sobre a nosa cultura.

PROGRAMA:

16.00 horas – Obradoiro de iniciación á mecánica e afinación do acordeón - Stéphanie Simón (As prazas para asistir a este obradoiro xa están cubertas)

19.00 horas – Descanso

19.15 horas – Historias do acordeón (Sindo de Olelas e Pazos de Merexo) – Xurxo Souto (aberto para todo o público)

LUGAR E DATA:  Tradescola – (Centro Lug2 – Rúa Pintor Corredoira nº 4 – Lugo) o venres 3 de maio de 2019

Mais información: No teléfono 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

   

Cántigas e Frores de Lugo no vindeiro Recuncho da Palleta

12.04.19

26907535 10155651381694807_7867660771108750616_nEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Vítor Otero que nos falará sobre a Asociación Cultural Cántigas e Frores de Lugo e sobre a 37 edición do Curso de Cultura Tradicional que organiza esta asociación todos os anos nas datas de Semana Santa.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

A Tradescola achegarase o vindeiro martes 23 de abril ata Vilalba para realizar unha nova xornada didáctica de música tradicional para escolares.

12.04.19

cartaz cdtrad_vilalba 3 pqA Tradescola,  xestionada pola Asociación de Gaiteir@s Galeg@s en Lugo, achegarase o vindeiro martes 23 de abril ata Vilalba para realizar unha nova xornada didáctica de música tradicional para escolares.

Amósarémoslles os distintos ritmos, instrumentos e melodías protagonistas da nosa música tradicional e popular galega a tod@s @s alumn@s do CEIP A. Insua Bermúdez de Vilalba en dous concertos que terán lugar as 11.00 horas e as 12.30 horas e estarán guiados polos mestres da Tradescola Carme López, Paula Fernández e Bruno Villamor.

   

As labradas e a i-aña no Condado - Paradanta no vindeiro Recuncho da Palleta

05.04.19

lumepalleiraEste domingo, no "Recuncho da palleta" do programa "Lume na Palleira" conducido por Emilio Españadero, contaremos con Guillerme Inácio Costa que nos falará sobre as labradas e a i-aña no Condado - Paradanta.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Asamblea Xeral anual da AGG

05.04.19

logo-aggO vindeiro domingo 7 de abril a Asociación de Gaiteir@s Galeg@s celebra a súa Asamblea Xeral ordinaria anual.

Será ás 11:00h. en primeira convocatoria, e ás 11:30h. en segunda convocatoria. Este ano celebrarase no Auditorio do Museo do Pobo Galego, sito na Rúa San Domingos de Bonaval S/N, Santiago de Compostela.

Na asamblea, entre outros puntos a tratar, farase un repaso polas actividades realizadas e tamén se falará dos proxectos de futuro nos que se está a traballar, de maneira que todos @s soci@s podan ver de primeira man o traballo realizado pola asociación.

   

VI Edición do Memorial Henrique Otero "O Mar na obra do Gaiteiro do Fragoso"

04.04.19

cartaz memorialho2019_web 2 - copiaO vindeiro sabado 27 de abril de 2019 a partir das 19.30 horas terá lugar en Vigo a VI Edición do Memorial Henrique Otero "O Mar na obra do Gaiteiro do Fragoso", organizada pola Asociación de Gaiteir@s Galeg@s e o Conservatorio Superior de Música de Vigo, coa colaboración da Deputación de Pontevedra e a Radio Galega. Concretamente celebrarase no Auditorio Martin Códax do Conservatorio Superior de Música de Vigo. (Rúa Manuel Olivié, 23 – O Castro – Vigo)

Os grupos participantes nesta edición do Memorial son:

A SENEIRA BAIONA

AGRUPACIÓN FOLKLÓRICA BREOGÁN DE MOAÑA

BANDA DE GAITAS RAIGAMES

CONSERVATORIO DE TORROSO - MOS

CORO GALEGO DO C.C. ABRENTE DE MOS

MOAÑESA DE MÚSICA E DANZA - PENAVEIRA

NOITAREGA

OS CARUNCHOS

OS TERRIBLES DE DONAS

Henrique Otero Covelo, O Gaiteiro do Fragoso, como el mesmo quería que o lembrasen, foi un personaxe clave para comprender e coñecer boa parte do mundo da gaita en Galicia, en particular en Vigo e a súa comarca. Foi un dos mellores expoñentes da tradición gai­tística galega, figura de transición entre o gaiteiro rural tradicional e o gaiteiro urbano, pero tamén entre o gaiteiro de oído tradicional e o gaiteiro músico actual.

Son moitos os méritos que habería que recoñecerlle a este gran gaiteiro, pero sen dúbida, o que maior pegada deixou para o futuro foi o de conseguir que foran recoñecidos, por primeira vez na his­toria, os estudos oficiais de gaita ga­lega polo MEC no ano 1977.

Dende a Asociación de Gaiteir@s Galeg@s gustarianos contar coa vosa presencia neste Memorial, esperámosvos a tod@s o vinderio día 27!!

   

Semblanza a Pazos de Merexo no vindeiro Recuncho da Palleta

29.03.19

lume na palleira

Este domingo, no "Recuncho da palleta" do programa "Lume na Palleira" conducido por Emilio Españadero, contaremos con Gustavo Couto que nos achegará á figura do grande Manuel José Pazos Redonda, mais coñecido como Pazos de Merexo, lenda do acordeón diatónico en Galicia e que tristemente faleceu o pasado luns.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

 

   

Fondo pesar polo pasamento de Pazos de Merexo

26.03.19

pazos de merexoHoxe temos que dar unha triste nova. Faleceu Manuel José Pazos Redonda, coñecido como Pazos de Merexo, un Muxián ilustre, músico extraordinario, agradecido e xeneroso que foi e será por sempre unha verdadeira lenda do acordeón diatónico en Galicia.

Os restos mortais de Pazos de Merexo están a ser velados no tanatorio de Muxía, e a condución do cadáver está prevista hoxe martes 26, pola tarde, a igrexa parroquial de San Martiño de Ozón.

Dende a Asociación de Gaiteir@s Galeg@s compartimos a dor e lamentamos fondamente a súa perda.

DEP

   

Beatriz Busto no vindeiro Recuncho da Palleta

22.03.19

lumepalleiraEste domingo, 24 de marzo, no "Recuncho da palleta" do programa "Lume na Palleira" conducido por Emilio Españadero, contaremos con Vitor Otero. Xuntos entrevistarán a Beatriz Busto sobre o traballo que fixo en relación á presenza da música tradicional no NODO. Tamén tentarán facer unha conexión co  24 Xantar Gaiteiro - Homenaxe a Antón Corral que se celebra en Tui.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Páxina 5 de 238