Asociacion de Gaiteiros Galegos

Gaiteiros galegos
Inicio / Novas / AGG

AGG

V Congreso de Ensinantes de Música Tradicional Galega

08.09.11

A Asociación de Gaiteiros Galegos está a organizar o V Congreso de Ensinantes de Música Tradicional Galega, que se levará a cabo no Auditorio de Galicia, en Santiago de Compostela, durante os días 7, 8 e 9 de Outubro de 2011. Toda persoa que queira expoñer algún tema relacionado co ensino da música tradicional poderá escribir unha comunicación e presentala no Congreso.

As normas para a presentación de comunicacións serán as seguintes:

-         O prazo de presentación dos resumos das comunicacións será do 12 ao 28 de Setembro de 2011. O contido deberá ser enviado co seguinte formato: letra “Times New Roman”, tamaño 12, interliñado sinxelo. O contido deberá incluírse nunha páxina como máximo (1 cara). Ademais deberán indicarse os datos persoais do autor/es que presenten a comunicación.

-         Os autores das comunicacións seleccionadas poderán redactar o traballo in extenso ata o 3 de Outubro. Data límite para que todas poidan ser incluídas na documentación oficial do Congreso.

-         A duración das comunicacións non deberá ser superior a 15 minutos de exposición.

-         O envío das comunicacións deberá realizarse por correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou por correo ordinario á Lugar de Quintan 3, C. P 36121 Viascón – Cotobade (Pontevedra).

En  breve informarese do programa e do prazo de inscrición.

   

Remata a Programación a Pé de Rúa

08.09.11

Na foto actuación da Asociación Cultural Cántigas e Frores

Esta fin de semana remata o programa "A Pé de Rúa", organizado pola Asociación de Gaiteiros Galegos en colaboración coa AGADIC, programa que se veu realizando ao longo do verán  co obxectivo de promover a difusión da música tradicional levando por distintas vilas de Galicia grupos con atuacións a pé da rúa.

Esta fin de semana, varios grupos pertencentes á Asociación de Gaiteiros Galegos,  protagonizarán pasarrúas e mostras de música tradicional nos concellos de Pontedeume (A Coruña), Oimbra e Ribadavia (Ourense). A Asociación Cultural Cántigas e Frores (Lugo) será a encargada de amenizar coa súa actuación de música e baile as rúas do concello de Pontedeume o venres 9 de setembro a partir das 21h. da noite co gallo das Festas das Peras. O sábado 10 de setembro, os compoñentes de Frouma (A Coruña) serán os encargados de realizar un pasarrúas a partir das 12h. nas Festas de Santa Cruz no concello de Oimbra. E o domingo 11, será o grupo Lembranzas da Ría (Cangas - Pontevedra) quen coa súa actuación de música e baile as 18h. na Praza Maior de Ribadavia amenizará as Festas Patronais da vila, quene dará clausura ao programa A Pé de Rúa, o cal tivo unha grande aceptación tanto polos concellos participantes e os seus habitantes, como polos grupos encargados de levar a nosa música tradicional polas vilas de toda Galiza. 

   

Seminarios de Formación Permanente - Pedagoxía e Gaita Galega

06.09.11

Dende a AGG queremos informarche da próxima celebración dos SEMINARIOS DE FORMACIÓN PERMANENTE - PEDAGOXÍA E GAITA GALEGA: A INICIACIÓN Á GAITA GALEGA  ENTRE SEIS E ONCE ANOS

A Asociación de Gaiteiros Galegos porá en marcha a partir do vindeiro curso un “Seminario de formación permanente”  ó redor do ensino da música tradicional, en particular do ensino da gaita galega. Neste primeiro curso encetaremos con sesións destinadas a  preparar monitores - profesores para o inicio da gaita galega en idades de primaria.
A primeira sesión estará impartida polo profesor de gaita e Doutor en Ciencias da Educación Xaime Estévez Vila e terá lugar no mes de Setembro. Os asistentes a este seminario de formación terán prioridade na participación activa do proxecto Gaita na Escola. As prazas son limitadas*  (os socios da AGG terán prioridade na asistencia) e terase en conta a orde de inscrición que se poderá facer ata tres días antes do comezo.

1ª Sesión:

•         Sábado 17 Setembro na casa da gaita en Cotobade( Pontevedra) de 10 a 14 H.* (20 prazas)

•         Sábado 24 Setembro na Tradescola de Lugo de 10 a 14 H.* (20 prazas)

Para inscribirte tes que enviar un E Mail á AGG Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo cos datos persoais e profesionais máis relevantes e o motivo polo que te queres matricular (máximo 300 palabras), indicando se asistirías en Lugo ou Pontevedra.

 

   

A Pé de Rúa polos concellos de Marín e Cangas

02.09.11


Na foto a Banda de Gaita Airiños de Fene

Continua, durante esta fin de semana, o programa "A Pé de Rúa" que a Asociación de Gaiteiros Galegos en colaboración coa AGADIC está a desenvolver durante o verán e que promove a difusión da música tradicional levando por distintas vilas de Galicia grupos que fan atuacións a pé da rúa.

Esta fin de semana, varios grupos, pertencentes á Asociación de Gaiteiros Galegos,  protagonizarán pasarrúas e mostras de música tradicional nos concellos de Marín e Cangas (Pontevedra). Os grupos Maquía Gaiteiros de Godos (Caldas de Reis - Pontevedra) e Herba Grileira (Melide) serán os encargados de realizar pasarrúas o sabado 3 de setembro a partir das 11 da mañá co gallo da celebración das Festas Patronais do Cristo en Cangas. Asimesmo, e tamén o sábado 3 de setembro, os compoñentes da Banda de Gaitas Airiños de Fene (Barallobre-Fene) serán os encargados de amenizar coa súa actuación as Festas Patronais de Santa María do Porto na vila de Marín.

A Asociación de Gaiteiros Galegos colabora coa AGADIC na organización das actividades do programa A pé de rúa. A Asociación de Gaiteiros Galegos é a encargada do asesoramento e coordinación das actuacións de música tradicional que se efectúan dentro deste programa. Segundo o presidente da AGG, Santiago Caneiro Aneiros, “a participación de grupos e solistas nas programacións que se realizan dende as administracións públicas é un xeito de achegar a música tradicional, en condicións dignas, ás vilas e cidades do país”.

   

Continúa o programa a Pé de Rúa

19.08.11

Continua o programa "A Pé de Rúa" que a Asociación de Gaiteiros Galegos en colaboración coa AGADIC está a desenvolver durante o verán e que promove a difusión da música tradicional levando por distintas vilas de Galicia grupos que fan atuacións a pé da rúa.

“A Pé de Rúa” e unha iniciativa que busca dar resposta a un amplo número de formacións de música tradicional, para permitirlles actuar no seu entorno máis propio, coma sempre foi a súa interpretación, en vivo, sen medios técnicos, e nunha perfecta interacción tanto co medio no que se está a tocar como co público que escoita.

Esta fin de semana, terá lugar un pasarrúas no concello de Castro de Rei a cargo do grupo "Alvariza".

   

Gomez Mouro no programa a Pé de Rúa

19.08.11

Continua o programa "A Pé de Rúa" que a Asociación de Gaiteiros Galegos en colaboración coa AGADIC está a desenvolver durante o verán e que promove a difusión da música tradicional levando por distintas vilas de Galicia grupos que fan atuacións a pé da rúa.

“A Pé de Rúa” e unha iniciativa que busca dar resposta a un amplo número de formacións de música tradicional, para permitirlles actuar no seu entorno máis propio, coma sempre foi a súa interpretación, en vivo, sen medios técnicos, e nunha perfecta interacción tanto co medio no que se está a tocar como co público que escoita.

Mañá 24 de agosto, terá lugar un pasarrúas no concello de Cariño a cargo do grupo "Gómez Mouro".

   

A Pé de Rúa

11.08.11

A Asociación de Gaiteiros Galegos en colaboración coa AGADIC está a desenvolver o seu programa "A Pé de Rúa", que terá lugar por distintas vilas de Galicia ao longo de todo o verán.

“A Pé de Rúa” e unha iniciativa que busca dar resposta a un amplo número de formacións de música tradicional, para permitirlles actuar no seu entorno máis propio, coma sempre foi a súa interpretación, en vivo, sen medios técnicos, e nunha perfecta interacción tanto co medio no que se está a tocar como co público que escoita.

Esta fin de semana, terán lugar distintos pasarrúas a cargo desta programación nas seguintes vilas:

Domingo 14 de Agosto, a partir das 11h. no Concello de Cambados, "Os Viqueiras de Ordes".
Domingo 14 de Agosto, a partir das 11h. no Concello de Verín, "Asociación Cultural Trepia".
Domingo 14 de Agosto, a partir das 12.30h. no Concello de Vilanova de Arousa, "Tumba e Dalle".
Domingo 14 de Agosto, a partir das 15h. no Concello de Carballiño, "Mazaroca".

   

Éxito da Mostra de Instrumentos Tradicionais de Pardiñas

08.08.11

Un ano máis a Asociación de Gaiteiros Galegos (AGG), a través da comisión de artesáns, achegouse ata o Festival de Pardiñas para organizar o que foi a "XVIII Mostra de Instrumentos de Música Tradicional". Un evento que constitúe unha das mostras de luthería máis antigas da península e que congrega cada ano a numerosos artesáns do país para mostrar o seu traballo ao público. 

Durante as xornadas do 6 e 7 de Agosto, no marco incomparable do Festival de Pardiñas, os 19 artesáns de instrumentos musicais cos que contou a mostra, abríronnos unha fiestra aos seus obradoiros amosando o seu bo facer. Pero houbo moito máis, xa que se trata dunha festa na que non poden faltar as actuacións en directo, obradoiros, o baile tradicional e a foliada, acadando de novo un grande éxito de público a pesar das condicións meteorolóxicas.

Podes ver as fotos aqui.

   

Varios grupos de música tradicional participarán esta fin de semana no programa a Pé de Rúa

29.07.11

Esta fin de semana, dous grupos, pertencentes á Asociación de Gaiteiros Galegos, protagonizarán pasarrúas e mostras de música tradicional nos concellos de Allariz (Ourense) e Cabana de Bergantiños (A Coruña). O  será o encargado de actuar mañá sábado día 30 de Xullo ás 20.00 horas na festa da Malla en Queiroás da Igrexa (Allariz) e o grupo Abertal (A Rúa de Valdeorras - Ourense) actuará o luns día 1 de Agosto durante a Romaría de San Fins do Castro, no concello de Cabana de Bergantiños.
A Asociación de Gaiteiros Galegos colabora coa AGADIC na organización das actividades do programa A pé de rúa. A Asociación de Gaiteiros Galegos é a encargada do asesoramento e coordinación das actuacións de música tradicional que se efectúan dentro deste programa. Segundo o presidente da AGG, Santiago Caneiro Aneiros, “a participación de grupos e solistas nas programacións que se realizan dende as administracións públicas é un xeito de achegar a música tradicional, en condicións dignas, ás vilas e cidades do país”.
 

   

Grande éxito do XII Memorial Ricardo Portela

18.07.11

A Asociación de Gaiteiros Galegos, en colaboración co Concello de Pontevedra, organizou a pasada fin de semana a duodécima edición do Memorial Ricardo Portela, no que durante os días 16 e 17 de Xullo, se celebraron, na praza de Ourense, na praza da Peregrina e na praza da Ferrería, en Pontevedra, diferentes actividades, que incluíron mostras de artesáns de instrumentos tradicionais, actuacións de cuartetos e grupos de baile, concertos de música tradicional e o concurso do Memorial.

   

Páxina 8 de 22