A Tradescola suma unha nova materia as súas ensinanzas

19.09.19

Neste curso 2019-2020 a Tradescola amplia as súas ensinanzas incorporando ao seu haber a materia "Ritmos e xéneros da música de tradición oral galega. Repertorio instrumental e cantado: Clasificación e análise".

Esta materia pode servir para comprender de xeito máis profundo e amplo a música tradicional tanto para intérpretes como para calquera persoa interesada nela. O apoio bibliográfico aportaranos unha visión das publicacións máis relevantes no estudo da música de tradición oral galega, fundamentais para o estudo de calquera tema relacionado con ela. Ademais, o análise musical pode axudar a un mellor entendemento das partituras á hora da interpretación, ademais de ser un punto interesante para a preparación de probas de acceso para o corpo de mestres de música. 

A materia ritmos e xéneros pretende abordar a música de tradición oral e popular galega dende unha perspectiva académica próxima á etnomusicoloxía, aportando polo tanto un marco teórico aos diferentes estudos instrumentais que se desenvolven na escola.

A materia divídese en dous grandes bloques: por unha banda a clasificación en ritmos e xéneros das melodías da tradición oral e popular galega, e por outra banda o seu análise.

En canto á clasificación, esta materia axudará a crear unha visión ampla e xeral da música de tradición oral, intentando axuntar diferentes criterios de clasificación e descrición destas músicas, atendendo á gran disparidade de pautas á hora de abordar este tipo de coñecemento. Para isto, as fontes documentais fundamentais para esta materia asentaranse nos diferentes cancioneiros que se dedican á música de tradición oral galega ademais de diferentes estudos e publicacións musicolóxicas tanto a nivel galego como estatal. Todo isto tendo como finalidade a proposta dunha tipoloxía de clasificación que se apoie nas distintas visións dos estudosos do tema pero sen esquecerse da fonte fundamental: as e os informantes que son verdadeiros protagonistas de todo isto, responsables da preservación da transmisión da tradición. Ademais, vencellarase toda a formación teórica coa escoita de audicións que exemplifiquen o estudado.

Sobre o análise debemos facer fincapé na diferenza de base do análise de músicas de tradición oral respecto da música académica. Debido á natureza diversa de ambas, fai necesario que cadansúa conten cun análise particular, centrado nas características propias de cada música. Deste xeito proponse para a materia un análise de música de tradición oral baseado nos estudos de Dorothée Shubarth e Sergio de la Ossa.

A AGG organiza as VII Xornadas arredor da Música Tradicional

10.09.19

O vindeiro 28 de setembro, a Asociación de Gaiteir@s Galeg@s organiza a que será a VII edición das Xornadas arredor da Música Tradicional que se celebrarán na Casa da Gaita, Viascón (Pontevedra).

Esta cita está destinada, non só a todas aquelas persoas que traballan no entorno da música tradicional, senon tamén a todo aquel que queira saber máis tanto das nosas tradicións, como das de outros lugares, xa que ao igual que nas pasadas edicións, amosaranse outras formas da cultura tradicional, favorecendo deste xeito a que sexa un punto de encontro para profundizar e incidir na importancia que teñen os traballos de investigación realizados neste campo para poder coñecer, afondar e transmitir as tradicións.

Pretendemos a través desta actividade fomentar este tipo de encontros, que consideramos imprescindibles, tanto para a xente implicada na música tradicional, como para o resto da poboación, xa que se amosa a riqueza cultural dunha maneira aberta, chea de contidos e na que se pode participar de xeito activo nas diversas ponencias, contribuindo e potenciando deste xeito a divulgación da cultura e a súa conservación.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Entrada de balde, previa reserva de praza a través do teléfono 986 847 074 ou enviando un correo electrónico  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

PROGRAMA

10.15 – Apertura e entrega de documentación

10.30 – Relatorio I - Demostración

“O pandeiro de paos”. María Vidal e Xermán Muíños

11.20 Quenda de preguntas

11.30 – Relatorio II

“Florencio, o Cego dos Vilares. Aproximación ao estilo interpretativo a través da análise ”. Felipe Rodicio

12.20 Quenda de preguntas

12.30 - Descanso

12.50 - Presentacións de publicacións

12.50: “Entre Fusco e Lusco” de Rafa Crespo e “Colleita Propia” de Pablo F. Rial . Editorial Ton e Son

13.10: Presentación da colección Cámara Escura con Eutropio Rodríguez, “O danés curioso en Ordes” d@s autor@s Gustav Henningsen, Eutropio Rodríguez e Estívaliz Espinosa e “Os danzantes dos Reis” d@s autor@s Eutropio Rodríguez e Alba Cid. Editorial aCentral Folque.

13.30 – Xantar

16.30 – Relatorio III

“Anotacións encol do uso da trompa ou mosugitarra no País Vasco”. Juan Mari Beltrán

17.20 Quenda de preguntas

17.30 – Relatorio IV

“Pasado e presente do pito pastoril na Galicia”, dende o século XIX a actividade do IGAESPI, avances da investigación. Miguel Mosquera e Efraím Díaz

18.20 Quenda de preguntas

18.30 – Descanso

19.00 – Relatorio - Concerto V

“Os Trabazos de Castro Caldelas: actividade, aspectos biográficos, instrumentos de traballo, homenaxes e repertorio”. Alexandre Rodríguez.

19.50 Quenda de preguntas

Agardámoste o vindeiro día 28 na Casa da Gaita: Lugar de Quintán, 4 (Viascón - Cotobade).

A AGG organiza as VI Xornadas de baile tradicional en Lugo

10.09.19

 A Asociación de Gaiteir@s Galeg@s abre o prazo de inscrición para as VI Xornadas sobre Baile Tradicional, que terán lugar en Lugo o vindeiro 22 de setembro en horario de 12.00 horas a 13.30 horas e de 16.30 horas a 20.00 horas.

Estas xornadas, que están pensadas tanto para os profesionais do mundo da danza, como para todos aqueles interesados no baile galego que queiran completar os seus coñecementos e participar de xeito activo na mellora e dinamización da nosa tradición terán lugar na Tradescola - Salón de Actos do Centro Lug 2 (Rúa Pintor Corredoira nº 4 – LUGO).

Nestas xornadas contaremos con grande profesionais do baile tradicional como son Ruth Pérez, Olga Kirk e Francisco Feijóo "Xisco", que serán os encargados de amosarnos e ensinarnos algúns dos bailes mais característicos da tradición galega.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

Data: 22 de setembro de 2019

Programa das VI Xornadas de Baile Tradicional  

11.45h - Recepción participantes e apertura da Xornada

12.00h - Relatorio-Obradoiro "O baile na Fonsagrada". Imparte Ruth Pérez

13.30h - Xantar

16.30h - Relatorio-Obradoiro "O baile en Limiñoa". Imparte Olga Kirk

18.00h - Descanso

18.30h - Relatorio - Obradoiro "As añas". Imparte Francisco Feijóo "Xisco" 

Os obradoiros son de balde e as prazas limitadas, tendo preferencia @s soci@s da AGG e alumn@s da Tradescola, que disporán ata o mércores 18 para inscribirse, e partir desa data si quedan prazas dispoñibles, cubriranse coas solicitudes de inscrición de non soci@s, según orde de chegada.

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

Lembranza a Antón Fraguas, protagonista do día das Letras Galegas

07.05.19

O vindeiro domingo día 12 a Casa da Gaita acollerá o acto Lembranza a Antón Fraguas en homenaxe a esta gran figura da nosa cultura, que tanto fixo a prol da súa conservación e divulgación.

Antón Fraguas Fraguas dedicou a súa vida ao estudo da cultura e do territorio galego en diferentes ámbitos, con especial atención e mestría á antropoloxía. Ademais, cos seus traballos contribuíu a defender o idioma propio como lingua de expresión en calquera ámbito. Foi historiador, profesor e director e presidente do Museo do Pobo Galego, así como un dos fundadores da Sociedade de Lingua e membro das Irmandades da Fala e do Seminario de Estudos Galegos, no que inaugurou, baixo a dirección de Otero Pedrayo, os estudos de xeografía histórica. Entrou en contacto co galeguismo de mozo, cando estudou Bacharelato en Pontevedra, onde comezou a ter interese pola cultura galega grazas a docentes como Antón Losada Diéguez, ou Castelao.

Recibiu, entre outros galardóns, o Pedrón de Ouro, a Medalla Castelao, o Premio Trasalba e o Premio das Letras e das Artes da Xunta de Galicia. Escribiu sobre xeografía e arqueoloxía, pero no campo no que máis destacou foi na cultura campesiña. As festas e romarías populares, as cantigas, as crenzas e os costumes,...

No evento que celebramos o domingo, faremos unha achega a algúns dos seus textos vencellados a nosa música tradicional e contaremos coa participación de Sonsoles Martínez, que colaborou na reedición do Cancioneiro, poñendo música algunhas das súas cantigas. Rematando co Himno Galego.

Este domingo no Recuncho da Palleta presentamos o disco "Homenaxe aos Campaneiros de Vilagarcía"

03.05.19

 Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto e a presentación do disco colectivo de "Homenaxe a Os Campaneiros de Vilagarcía" do que se sortearán 3 exemplares.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Trioprata no vindeiro Recuncho da Palleta

04.01.19

O vindeiro domingo, no "Recuncho da palleta" do programa "Lume na Palleira" conducido por Emilio Españadero, Gustavo Couto, levaranos a visita do grande mestre gaiteiro Xermán Soneira acompañado polos seus compañeiros de Trioprata: Juan Nogareda e Chema Cebeiro, para presentarnos o libro-disco 'O Son Da Mahía'.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

II Xornadas de Requinta

04.01.19

Despois dun 2018 cargado de actividades, comezamos un novo ano de traballo en prol da nosa música e baile tradicionais coas II Xornadas de Requinta!!
Serán o vindeiro sábado 26 de xaneiro na Casa Común de Oza, co patrocinio do Concello de Teo.
Estas xornadas, que naceron coa intención de cubrir a demanda existente por parte d@s nos@s asociad@s e dun gran público interesado neste aspecto da tradición galega, serán de balde, previa inscrición.
Permanecede atentos ás novas que en breve publicaremos todos os detalles do programa!!!

LUGAR: Casa Común de Oza (Concello de Teo)

INSCRICIÓNS: Nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

O Ciclo do Nadal no Recuncho da Palleta

28.12.18

O vindeiro domingo, no "Recuncho da palleta" do programa "Lume na Palleira" conducido por Emilio Españadero, Guillerme Inácio traeranos cantares do Ciclo do Nadal en galego do seu arquivo, na voz das propias informantes.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

A AGG organiza unhas novas xornadas de baile tradicional en Teo

03.12.18

 A AGG organiza o vindeiro domingo 16 de Decembro no Concello de Teo, ao abeiro das axudas para actividades culturais da Deputación de A Coruña, unhas xornadas de BaileTradicional que terán de  protagonistas ó baile solto en Axeitos, o Fandango e o xénero no baile.

Os obradoiros estarán da man de expertos no mundo do baile tradicional como Fran Sieira, Luis Prego, Carme Campo e Chus Caramés.

PROGRAMA:

Domingo 16 de decembro

09.45 – Apertura e entrega de documentación
10.00 – O baile solto en Axeitos. Fran Sieira
11.30 – Descanso
12.00 – Puntos vellos para un novo fandango. Luis Prego
13.30 – Xantar
16.00 – Bailar a canda os tempos: estereotipos de xénero no baile. Carme Campo e Chus Caramés

LUGAR: Casa Común de Oza (Concello de Teo)

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG, que disporán ata o mércores 12 para inscribirse, e partir desa data as prazas dispoñibles se cubrirán por orde de inscrición.
 
Animádevos a participar!!!

Homenaxe aos Gaiteros do Mar en Rianxo

29.11.18

Este domingo estaremos en Rianxo nunha nova edición das Xornadas a Gaita no Mar.

Con estas xornadas organizadas pola Asociación de Gaiteir@s Galeg@s en colaboración con Cultura da Deputación de A Coruña e o Concello de Rianxo, queremos recoñecer a gran contribución que fixeron os mariñeiros gaiteiros no espallamento da nosa música tradicional  ao son do noso instrumento mais representativo, levándoo polo mundo adiante a través do mar. 

Queremos aproveitar a ocasión para render unha mais que merecida homenaxe aos Gaiteiros do Mar. Ademais, durante as xornadas poderemos ver o documental "Dos Gaiteiros do Mar" codirixido por Xurxo Souto xunto a Marín Rodas, unha fita que recupera a memoria dos mariñeiros-gaiteiros que se embarcaron nos anos sesenta e setenta con destino ao Gran Sol, Terranova, Namibia,... queremos ademais render homenaxe aos "Gaiteiros do Mar". E como peche, que mellor que unha tocata no mar!!!

Programa

11.30 - Proxección do documental “Dos gaiteiros do mar”, codirixido por Xurxo Souto xunto a Martín Rodas.
12.15 - Homenaxe aos Gaiteiros do Mar coa mención especial a Lito de Pinténs e coa colaboración de Xurxo Souto (codirector do documental “Dos gaiteiros do mar”).
13.00 - Saída a tocar no mar con Fogo Fatuo (se o tempo acompaña, senón recorreremos ao plan B).

Lugar: Edicifio Liceo (Rúa Rinlo).

Agardámoste este domingo en Rianxo, nesta nova edición da Gaita no Mar!!

Máis información: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo 986 847 074 - 982 229 96