Festivais, Foliadas, Romarías
Foliada X Aniversario de Os Varacuncas de Rodeiro
30.03.12
A festa terá lugar o vindeiro dia 21 de Abril a partir das 9:30 no campo da festa de Santa Baia no concello de Rodeiro. Terán bar e carpa, concursos de aturuxos, baile de pasodoble e toque de rodilla.
Os grupos actuaran por este orde:
Os Kambariteiros(teatro)
Seran, foliada, en Rodeiro Ruada (con todos os grupos invitados e os que veñan) Begoña Lorenzo, Os Varacuncas, Ce orquesta Pantasma, Duo Nueva Era. Haberá algunha sorpresa máis de última hora.
Foliada en Curtis
30.03.12
O vindeiro Mércores 4 de Abril celebrarase a I Foliada en Curtis.
Será as 21:30 horas no recinto feiral (as naves). Haberá pinchos de balde.
Festival de Escolas de Cántigas e Frores
28.03.12
A Asociación Cultural Cántigas e Frores organiza un ano máis o seu Festival de Escolas que este ano acada a súa V edición. Este festival celebrarase o domingo día 1 de abril de 2012 ás 18 h no Auditorio Municipal Gustavo Freire de Lugo. Ademais das escolas desta asociación poderase gozar co bo facer das escolas infantís da Asociación Cultural 'Saíñas' de Xove. A entrada é de balde.
VII Foliada de Cerqueda
26.03.12
O 31 de marzo a partir das 22:00 h celébrase a 7ª Foliada de Cerqueda organizada por A Raigañas nas Escolas de As Pozacas.
Actuarán: Fol de Veneno, Media Ducia, Ferrado e Medio, Lume na cachela, Pandereteiras de Xornes e Pandereteiras de Raigañas, ademáis de todos aqueles grupos que se acheguen ese día.
Celébrase tamén a 1ª foliadiña para os máis pequenos que comenzará a partir das 20:00 h e actuarán grupos de: Malante, Raigañas, Camariñas, etc.
Haberá empanada, callos, tarta larpeira e viño do país para cear por un módico prezo. Non faltes!
....
www.frouma.com
Foliada en Couso (A Estrada)
26.03.12
A Asociación cultural A Xesteira abre a taberna en Couso
Aviso a todolos FESTEIROS.
Ábrese a taberna, no campo da festa de Couso.
E o venres temos FOLIADA.
Vinde todos de festa.
Festival Val da Maia
28.02.12
O vindeiro sábado 3 de marzo celebrarase o IV Festival Val da Maia. Será as 20h no Casa da Cultura de Bertamiráns e estará presentado por Xavier Díaz.
Contarán coa presenza de:
- Os Chapeus de A Estrada
- O Ghusto do Boi de Vedra
- Os Alegres de Pontevedra
- Os Trazandes de Tenorio de Pontevedra
- Os Saljariteiros de Marín
- As Maianas de Ames
OuTonalidades: Inscricións abertas
24.02.12
Está oficialmente aberto o período de inscricións para os grupos musicais, de todos os xéneros, portugueses ou estranxeiros, que pretendan integrar a bolsa de espectáculos da 16ª edición do OuTonalidades, circuito portugués de música ao vivo. Unha grande rede dedicada ao pequeno formato, no próximo Outono! A inscrición de grupos está aberta ate o 4 de marzo.
Para procedera inscrición do(s) grupos(s), é necesario ter unha Conta de Utilizador. Importante: os grupos inscritos em edicións anteriores, coa súa conta orixinal, poden reutilizar os dados xa inseertados.
Máis info: http://apps.www.dorfeu.pt/outonalidades/home
Foliada de Entroido na Tradescola
20.02.12
O Entroido é unha festa popular que ten a súa orixe como indicación da fin do inverno e o comezo da primavera, sendo a época na que se poden romper tódalas normas, cambiar de personalidade ou identidade e ironizar sobre temas diversos. É, sen dúbida, a festa máis irreverente do calendario galego.
A TRADESCOLA, escola de música tradicional xestionada pola Asociación de Gaiteiros Galegos, aproveitará o entroido para organizar unha foliada o día 23 de febreiro de 2012 ás 20.30 horas no Complexo Residencial Xuvenil LUG II. Nesta foliada, á que asistirán alumnos e amigos da Tradescola, disfrutarase da nosa música ,do noso baile e das nosas tradicións nun ambiente festivo.
Esperámosvos a todos para tomar uns pinchos e tocar e bailar xuntos. Non vos esquezades de traer os vosos instrumentos e os vosos disfraces (opcional).
Para asistir anotádevos por teléfono (982229966) ou por mail Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo "
Data máxima para inscribirse: venres 17 de febreiro.
Data máxima para facer o pago na Tradescola (5 €/persoa) : mércores 22 de febreiro.
Dende a Asociación de Gaiteiros Galegos pensamos que este tipo de xornadas , que están orientadas aos alumnos, profesorado e persoas interesadas na música tradicional en xeral, favorecen a difusión e promoción da cultura tradicional e axudan a dinamización da vida cultural lucense.
Festival Folc "Vila de Covas"
07.02.12
O vindeiro sábado 11 de febreiro celebrarase no salón de nactos do IES María Sarmiento (Maestría) o Festival Tradicional Vila de Covas, a partir das 18:30 horas.
Contarán coa actuación de:
- A. C Gamelas e anduriñas
- Cuarteto Tradicional
- Coro de Aspanane
- Corpo de baile e grupo de gaitas cacharela de covas.
Foliadas Bar O RÚA (Rúa de San Pedro)
27.01.12
As foliadas que se viñan facendo no Bar O POZO os mércores PASAN ao bar O RÚA na Rúa de San Pedro; as mesmas e os mesmos, á mesma hora, o mesmo día. A partires das 22:30 musiquiña da nosa, gaitas, cantos, pandeiretas, tarrañolas, tamboril e moitas ganas de festa!!
Quedades TOD@S CONVIDAD@S!! TÓDOLOS MÉRCORES!!
Páxina 5 de 29