Festa do 25 Aniversario da Asociación de Gaiteiros Galegos
Mércores, 26 Novembro 2014 14:57
Homenaxes, Premios, Recoñecementos, ....
Dende a Asociación de Gaiteiros Galegos temos o pracer de convidarte o vindeiro domingo 7 de Decembro do 2014 á FESTA DE CELEBRACIÓN DO NOSO 25 ANIVERSARIO, onde faremos un pequeno percorrido por estes 25 anos de traballo en prol da defensa e posta e valor da música tradicional.
É para nós un orgullo termos convertido a lo longo de todos estes anos nunha gran familia, e queremos contar con todos vós para celebralo por todo o alto, contando para elo, e como non podía ser doutra maneira, coa actuación de grandes da música tradicional.
Gustaríanos ademáis que participárades activamente no acto, polo que temos previsto facer para a inauguración do mesmo unha gran tocata dun par de pezas. As pezas escollidas para esta animación son
“Muiñeira de Armenteira” e o “Himno Galego” con gaitas en Do e outros instrumentos para acompañar.
- Raul Galego
- Nela de Bres, Desiderio da Pontenova, Modesto da Fonsagrada, Constante da Fonsagrada, Otilio da Fonsagrada e Antonio de Lourenzá.
- Leilía
- Mestres da Tradescola
- Treixadura
- Os Carunchos
- Homenaxe ao Presidente da AGG, Santiago Caneiro
- Agrupación Abertal
Presenta Xurxo Souto.
E para rematar haberá un pequeno convite no que cuns pinchiños e en grande compaña de todos os presentes remateremos un día grande no que se homenaxea a nosa paixón pola música tradicional galega.
Para asistir ao convite, deberás poñerte en contacto coa Asociación de Gaiteiros Galegos antes do xoves 4 de decembro e reservar a túa praza.
Información e Reservas: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo || Tlf: 986.847.074 - 982.229.966
Entrada de balde.
VEN A TÚA FESTA!!!